Ułada77

Dyleŭski: Čuŭ, jak pamiežnikam skazali: «Vyšpurnicie jaho nachran z krainy»

Lidar stačkama MTZ Siarhiej Dyleŭski raskazaŭ ab pryčynach emihracyi, a taksama pieršych dniach u Polščy.

13 kastryčnika siabra prezidyuma Kaardynacyjnaj rady Siarhiej Dyleŭski źjechaŭ z krainy. Da hetaha jon zastavaŭsia apošnim členam prezidyuma Kaardynacyjnaj rady, jaki znachodziŭsia na svabodzie ŭ Biełarusi.

Što ž stała pryčynaj dla takoha rašeńnia?

Siarhiej Dyleŭski. Fota tut.by.

«Nibyta i nie źbiraŭsia źjazdžać, ale adčuvaŭ, što kali jašče zastanusia dzień-dva, to mianie pasadziać. Hetyja adčuvańni byli sychodziačy z taho, što ja rabiŭ apošnija dni», — kaža Dyleŭski.

Miažu jon pierasiakaŭ na zvyčajnym rejsavym aŭtobusie praz Brest. «Biełaruskija pamiežniki nie viedali, što sa mnoj rabić. Prapuścili ŭsich pasažyraŭ, kali ž ja daŭ pašpart, to ŭ ich uźnikli pytańni.

Pamiežniki pazvanili načalstvu, była dadzienaja kamanda začynić pamiaškańnie sa mnoj. Sazvońvalisia to z adnymi, to ź inšymi, było vidać, što jany niervujucca niasłaba. U vyniku ja navat čuŭ, jak u słuchaŭku im skazali: «Vyšpurnicie jaho nachran z krainy». Mnie addali dakumienty, i ja prajechaŭ praź miažu», — raskazvaje rabočy.

U Polščy jamu dapamahaje «Biełaruski dom», ź ich padtrymki siamja znajšła žyllo. «Ciapier na karancinie pa karanavirusie, pakul što siadžu ŭ kvatery. Ja za svoj zavod spakojny, tam dobra naładžanaja sietka», — kaža Siarhiej.

Viadoma, što pierad adjezdam u Dyleŭskaha była razmova z supracoŭnikami KDB, pra što ž jany havaryli?

«Abo ty spyniaješ palityčnuju dziejnaść, abo buduć prablemy ź siamjoj, žonkaj, orhanami apiakunstva, zaviadziom na ciabie kryminalnuju spravu. Zvyčajnyja banalnyja razmovy. Kali b niešta ŭ ich było na mianie, to jany b daŭno mianie zakryli. Jany raźličvali, što ja spałochajusia».

U Varšavie Dyleŭski ŭžo sazvońvaŭsia z Volhaj Kavalkovaj, płanuje bližejšymi dniami sustrecca ź joj i Paŭłam Łatuškam. «Budziem dumać jak dapamahać rabočym, što zastalisia ŭ Biełarusi», — kaža jon.

Kamientary7

Stryžak raskazaŭ, jak jaho vierbavali śpiecsłužby

Stryžak raskazaŭ, jak jaho vierbavali śpiecsłužby

Usie naviny →
Usie naviny

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie3

Na Miency raskapali ŭžo try rady hakavych draŭlanych kanstrukcyj FOTA3

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →