Hramadstva77

Pamiatajecie babulu, jakaja emacyjna začytała vierš na maršy piensijanieraŭ? Daviedalisia jaje historyju

Pamiatajecie babulu, jakaja na maršy piensijanieraŭ emacyjna začytała vierš na pamiać? Siarod susiedziaŭ jana amal lehienda — u svaje 76 hadoŭ adbivała chłopcaŭ u amapaŭcaŭ i sama apynułasia ŭ aŭtazaku. «Naša Niva» paznajomiłasia ź joj bližej.

Zavuć jaje Halina Alaksandraŭna. Jana kanstruktar pa adukacyi. Vučyłasia va Ukrainie, a pa raźmierkavańni patrapiła va Uźbiekistan. 10 hod pražyła ŭ Buchary, dzie vyjšła zamuž. A paśla mocnaha ziemlatrusu ŭ 1976 hodzie viarnułasia na radzimu ŭ Biełaruś. Kim tolki tut jana nie pracavała — i dajarkaj, i buchhałtaram.

Ciapier u jaje dvoje dziaciej, šaściora ŭnukaŭ, dva praŭnuki. I aktyŭnaja hramadzianskaja pazicyja.

Uviečary 10 žniŭnia žančyna vyjšła na prabiežku na stadyjon. Tam było ŭsiaho niekalki čałaviek — chto špacyravaŭ, chto ŭ futboł hulaŭ. Raptam pryjechała milicyja. U adździaleńni paśla kazali, što im pastupiŭ zvanok: źbirajecca mitynh. Ludzi ŭ čornym schapili adnaho chłopca (Halina Alaksandraŭna ličyć, što na jaho palavali, bo toj byŭ naziralnikam na vybarach). Mužčyny pačali za jaho zastupacca — zabrali i ich. Piensijanierka nie zmahła zmaŭčać.

«Kudy ich? Za što?» — pytałasia jana ŭ milicyi, a paśla zajšła z usimi ŭ aŭtazak. 

«Strachu nie było. Bo ja ŭ toj čas dumała, što mužčyn pavałakuć i buduć bić pa darozie. A raptam na hetym miescy byŭ by moj syn ci ŭnuk? Vyrašyła, što, moža, pry mnie nie buduć kałacić. I sapraŭdy — nie čapali», — uspaminaje Halina Alaksandraŭna.

Z adździaleńnia milicyi žančyna patelefanavała dačce. Taja pryjechała pad ścieny ŭčastka, ale pačuła ad supracoŭnikaŭ: nie čakajcie, jana tut da ranicy. Praŭda, ab 11-j viečara Halinu Alaksandraŭnu pahadzilisia adpuścić. Jaje telefon razradziŭsia, tamu daviałosia čakać jašče dźvie hadziny, pakul u adździaleńni znojduć numar dački. Paśla piensijanierka daviedałasia, što mužčynam, zatrymanym na stadyjonie, dali pa 15 sutak.

U jaje taksama byŭ sud — abvinavačvali va ŭdziele ŭ niesankcyjanavanym mitynhu «nakont abmierkavańnia vybaraŭ».

«Ja kazała sudździ, što mnie nie treba było ničoha abmiarkoŭvać. Na maim učastku ŭsio dobra: 25% za Łukašenku, 56% — za Cichanoŭskuju. Ja była zadavolena hetym vynikam», — dzielicca žančyna.

Sud joj vynies papiaredžańnie. A Halina Alaksandraŭna pažadała na raźvitańnie milicyjantu, jaki byŭ śviedkam, bolš nikoli nie chłusić.

Sama jana z 2001 hody chadziła niezaležnaj naziralnicaj na vybary. Źbirała podpisy za Michaiła Čyhira, ale toj nie prajšoŭ u kandydaty, na nastupnych vybarach hałasavała za Alaksandra Kazulina.

«Liču, što čałavieku, jaki 26 hod nami kiruje, para na piensiju. Usio ž taki ŭzrost. Treba skasavać ź im kantrakt», — vykazvajecca jana pra dziejnuju ŭładu.

Naviny Alaksandraŭna čytaje ŭ internecie. Tam ža i vierš znajšła — vielmi adhuknuŭsia. Vypisała sabie i stała vučyć na pamiać.

«Ja kali hladžu tranślacyju niadzielnych maršaŭ, jak ludziam davodzicca ŭciakać, to razumieju, što zdaroŭja niama na ich iści. A na maršy piensijanieraŭ možna prahulacca, tam nievialikaja adlehłaść.

Dzieci, kaniečnie, chvalujucca, ale babula nie padparadkoŭvajecca im, — śmiajecca Halina Alaksandraŭna. — Ja samastojnaja asoba!»

Kamientary7

«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury2

«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury

Usie naviny →
Usie naviny

Azaronak nazvaŭ Kačanavu etałonam stylu28

Ratavalniki dali rekamiendacyi, što rabić pry mocnych zalevach

Urahan pavaliŭ viekavyja lipy na siadzibie Chraptovičaŭ u Ščorsach

«Taki dyjahnaz va ŭmovach Paliny — jak śmiarotny prysud». Svajaki palitźniavolenaj Šarendy-Panasiuk daviedalisia pra jaje chvarobu9

Sinoptyki sprahnazavali, čaho ad nadvorja čakać zaŭtra

«Mianie kupili za $680». Biełarusy raskazali, jak trapili ŭ rabstva ŭ Rasii5

U BDU nazvali śpiecyjalnaści z samym vialikim konkursam — 19 čałaviek na miesca2

Pieciarburhski muziej abvinavacili ŭ prapahandzie nacyzmu za łozunh «Žyvie Biełaruś» na karcinie11

Na Śvisłačy ŭ parku Horkaha repiecirujuć vodnuju fiejeryju — VIDEA dnia3

bolš čytanych navin
bolš łajkanych navin

«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury2

«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury

Hałoŭnaje
Usie naviny →