Hramadstva66

Palityčnaja źniavolenaja zamalavała detali pobytu ŭ baranavickim izalatary №6 FOTY

Vypusknica mastackaj vučelni Viktoryja Bahdanovič atrymała 15 sutak za ŭdzieł u adnym z žanočych maršaŭ. 

Jana niekalki dzion pabyła na Akreścina, a potym siadzieła ŭ Baranavičach. 

U kamiery ŭ jaje akazaŭsia nabor dla malavańnia, jana zanatavała toje-siejo i vyrašyła apublikavać niekatoryja karcinki ŭ «Našaj Nivie». Pryvodzim z kamientaryjami. 

«Adzinaje, što mnie dali ŭ kamieru z maich asabistych rečaŭ, heta bukiet vałošak, jaki šalony mužyk u bałakłavie špulnuŭ u mianie, pakul ja stajała u «stakanie». Kali nas viali ŭ kamieru, inšy supracoŭnik, nazvaŭšy majo proźvišča — Bahdanovič, — skazaŭ, što jano vielmi simvaličnaje. Nie mahła nie skazać jamu pra «Ćviatok Radzimy vasilka». A ŭ kamiery było nievierahodnaje spałučeńnie koleraŭ: sinija vałoški, łožki, i vałasy sukamiernicy Śviety. Vałoški ćvili i raspuskalisia 5 dzion, i tryvali b dalej, kali b u Baranavičach ich nie adabrali».

«Pieršy momant, kali stała dakładna nie śmiešna. Uviečary nas z RAUSa pavieźli na Akreścina, jak zvyčajna, u bus pchali bolš ludziej, čym patrebna. A kali pryjechali, my prosta biaskonca stajali tvaram da ściany. Jany pryvozili novych dziaŭčat ź inšych RAUSaŭ, i ich čamuści zapuskali chutčej. Na nas łajalisia, pramyvali mazhi, prynižali. Ale my ŭsie adno sprabavali ź imi razmaŭlać, žartavali, padtrymlivali adno adnaho. Ja navat śpiavała, praŭda, mianie chutka zatknuli».

«Niepieradavalnaje pačućcio, kali na brutalnych, ablezłych, šurpatych, mietaličnych rašotkach sušacca dziavočyja karunkavyja majtki. A potym prychodzić «Načalnik».

«Praz toje, što dahistaryčnaja kanalizacyja nie ŭtrymlivała naporu matylkoŭ, katoryja vylatajuć z žyvocikaŭ 17 dziaŭčynak, nam nieadnarazova prychodziłasia prasić «načalnikaŭ» prynosić nam vantuz. A jašče ŭ nas byŭ abrad: kožnaja dziaŭčynka, kali «adkidvajecca», pavinna pamyć prybiralniu zubnoj ščotkaj».

«Nie viedaju, što tut napisać. Aholenyja rasparanyja dziaŭčynki ŭ interjery nie koleru chlebnaha miakiša, heta, pa-pieršaje, pryhoža».

«Trochvuholnaja kamiera ŭ kucie biaskonca sačyła za nami, ja adčuvała siabie małpaj u zaaparku, albo ŭdzielnicaj vielmi tannaha trešovaha tok-šou. Supracoŭniki pastajanna kazali, što im cikava i śmiešna na nas hladzieć».

«Pryśviačaju hetuju vyjavu usim adekvatnym supracoŭnikam IČU i DVP».

«U nas atrymaŭsia niadrenny matryjarchat. My raspracavali sistemu sarciroŭki pieradač, u nas usio było ahulnym. Navat pachod ŭ duš byŭ ahulnym. I hiel dla duša, bo ŭ kahości byŭ smačniejšy pach. Taksama byli momanty, kali ja adčuvała siabie by ŭ dziavočym łahiery». 

Kamientary6

Prapahanda pakazała film pra Kryhiera. Ź jaho vynikaje, što niemca moh padstavić KDB, a pytańniaŭ bolej, čym adkazaŭ2

Prapahanda pakazała film pra Kryhiera. Ź jaho vynikaje, što niemca moh padstavić KDB, a pytańniaŭ bolej, čym adkazaŭ

Usie naviny →
Usie naviny

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ27

Sikorski: Biełaruś viedaje, što treba zrabić, kab adnosiny palepšali5

Siońnia pačynajuć sudzić 24-hadovuju minčanku za ŭdzieł u akcyi pratestu

Zvarot Bajdena da nacyi nahadvaŭ pachavalny marš — Bild

U Biełarusi źmianili praviły abmienu valut. Try hałoŭnyja novaŭviadzieńni

Suprać mamy anarchista Franckieviča, asudžanaha na 16 hadoŭ kałonii, zaviali kryminalnuju spravu1

Stała viadoma, dzie buduć vučycca studenty zakrytych pryvatnych VNU1

Stryžak raskazaŭ, ci maje prezidenckija ambicyi6

«Dačka Mara płakała ad hora». U Maładziečnie družalubny łabrador niečakana dla ŭsich źjeŭ nutryju Kapibaru — usieahulnuju lubimicu11

bolš čytanych navin
bolš łajkanych navin

Prapahanda pakazała film pra Kryhiera. Ź jaho vynikaje, što niemca moh padstavić KDB, a pytańniaŭ bolej, čym adkazaŭ2

Prapahanda pakazała film pra Kryhiera. Ź jaho vynikaje, što niemca moh padstavić KDB, a pytańniaŭ bolej, čym adkazaŭ

Hałoŭnaje
Usie naviny →