Hramadstva44

Babaryka pra sustreču z Łukašenkam u SIZA: Heta nie dyjałoh, nijakich damoŭlenaściaŭ padčas sustrečy nie dasiahnuta

Fota Nadziei Bužan

Viktar Babaryka nie ličyć sustreču z Alaksandram Łukašenkam u SIZA KDB dyjałoham. Dyjałoh, na jaho dumku, mahčymy, ale pry peŭnych umovach, pieršaje ź jakich — vyzvaleńnie ŭdzielnikaŭ sustrečy sa źniavoleńnia. Pra svaje ŭražańni ad sustrečy z Łukašenkam eks-pretendent u prezidenty raspavioŭ advakatam Alaksandru Pylčanku, Natalli Mackievič i Dźmitryju Łajeŭskamu, piša Tut.by.

Sustreču, jakaja adbyłasia ŭ subotu, na dumku Viktara Babaryki, nielha nazvać dyjałoham. Pierš za ŭsio tamu, što dyjałoh maje na ŭvazie roŭnaść udzielnikaŭ z punktu hledžańnia ich znachodžańnia na voli, u hetym vypadku hetaha nie było: sam Babaryka i inšyja ŭdzielniki sustrečy znachodziacca ŭ SIZA. Akramia taho, dyjałoh pavinien supravadžacca roŭnym dostupam jaho ŭdzielnikaŭ da infarmacyjnaha pola, što taksama niemahčyma pry znachodžańni čałavieka pad vartaj. I treciaje — za stałom pavinna być značna bolš šyrokaje koła pradstaŭnikoŭ hramadzianskaj supolnaści. Tamu nijakich damoŭlenaściaŭ u chodzie sustrečy nie dasiahnuta.

— Viktar Babaryka ličyć, što dyjałoh mahčymy, ale pry peŭnych umovach, pieršaje ź jakich — vyzvaleńnie ŭdzielnikaŭ sustrečy ź źniavoleńnia. Akramia taho, Viktar Babaryka padkreślivaje, što «my pamiatajem pra ŭsich inšych palityčnych źniavolenych», i bieź ich vyzvaleńnia taksama niemahčyma viadzieńnie dyjałohu. Pazicyja Viktara Babaryki pa palityčnych pytańniach, niahledziačy na doŭhaje źniavoleńnie, nie źmianiłasia, — kažuć abaroncy eks-bankira.

Adnosna taho, što ahučvajecca Juryjem Vaskrasienskim u ŚMI, Viktar Babaryka zajaŭlaje, što ŭdzielniki sustrečy nie pieradavali nikomu paŭnamoctvaŭ vieści dyjałoh ci pramaŭlać ad ich imia.

Akramia taho, spadar Vaskrasienski nie byŭ členam štaba Babaryki, jak i inšyja kaardynatary pa rajonach, jon nie naležaŭ da koła asob, jakija prymali rašeńni, i nikoli nie atrymlivaŭ ad Babaryki jakich-niebudź daručeńniaŭ, jak i nie vioŭ z Babarykam indyvidualnych razmoŭ. Tamu Vaskrasienski — nieŭpaŭnavažanaja asoba.

Čytajcie taksama:
Chto taki Juryj Vaskrasienski? Palityčny šlach ad apazicyjaniera da ŭdzielnika inaŭhuracyi Łukašenki i nazad

Kamientary4

Stryžak raskazaŭ, jak jaho vierbavali śpiecsłužby5

Stryžak raskazaŭ, jak jaho vierbavali śpiecsłužby

Usie naviny →
Usie naviny

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby5

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →