U Biškieku pratestujuć suprać vynikaŭ vybaraŭ u parłamient. Pratestoŭcaŭ razhaniajuć ślezaciečnym hazam i vadamiotami VIDEA
U centry stalicy Kyrhyzstana Biškieku siłaviki pačali razhaniać pratestoŭcaŭ suprać abvieščanych vynikaŭ vybaraŭ u parłamient, paviedamlaje 24.kg.
Suprać pratestoŭcaŭ užyli śviatłošumavyja hranaty i vadamioty. Siłaviki sa ščytami i dubinkami taksama vykarystoŭvajuć ślezaciečny haz.
Da hetaha ludzi na płoščy sprabavali šturmavać aharodžu «Biełaha doma», dzie znachodziacca parłamient i rezidencyja prezidenta, i pierakryć adnu z hałoŭnych mahistralaŭ horada.
Taksama paviedamlałasia ab stralbie na terytoryi «Biełaha doma».
U prateście ŭdzielničajuć pradstaŭniki apazicyjnych partyj i ich prychilniki, niazhodnyja z papiarednimi vynikami vybaraŭ. Jany patrabujuć admianić vyniki hałasavańnia.
4 kastryčnika ŭ Kyrhyzstanie prajšli vybary ŭ adnapałatny parłamient. Papiarednie, u parłamient prachodziać čatyry partyi, jakija pieraadoleli barjer u 7%, bolšaść hałasoŭ atrymali Birymdyk (praŭładnaja) i Miekienim Kyrhyzstan. Klučavyja apazicyjnyja partyi, Ata-Miekien i Respublika, nie pieraadoleli prachadny barjer. Usiaho ŭ vybarach udzielničali 16 partyj, z 12 tych, chto prajhraŭ, na pratest vyjšli pradstaŭniki 11.
Kak eto było https://t.co/tgIFwohtqD pic.twitter.com/ND6am9RaAT
Milicyja vypadkova vykłała ŭnutrany dakumient z analizam miedyja. Voś kaho jany siońnia čytali i jakija ŚMI ličać niezaležnymi4
Kamientary