Zahadčycy litaraturnaha adździeła Mahiloŭskaha dramteatra Volzie Siemčanka dali siem sutak aryštu

Hrupa padtrymki Volhi Siemčanka kala suda

U Mahilovie asudzili na siem dzion aryštu zahadčycu litaraturna-dramatyčnaha adździeła miascovaha dramteatra Volhu Siemčanku, piša Radyjo Svaboda.

Troje ź ich 33-hadovaja žančyna ŭžo adbyła ŭ izalatary da sudu. Na razhlad spravy jaje nie pryvieźli. Administracyjny praces u Leninskim sudzie prachodziŭ praz skajp.

Tyja, chto pryjšoŭ padtrymać abvinavačanuju, adreahavali na vyrak sudździ Taciany Kaściuk vokličam «Hańba».

Volhu Siemčanku pryznali vinavataj va ŭdziele 23 žniŭnia ŭ «niesankcyjanavanym šeści». Pavodle milicejskaha pratakołu, jana ruchałasia ŭ kalonie ludziej, jakija vyhukvali lozunhi, nieśli apazycyjnuju symboliku, čym vykazvali niazhodu z vynikami vybaraŭ.

Svaju vinu jana nie pryznała. Davać sudu tłumačeńni admoviłasia tłumačeńni, kab nia śviedčyć suprać siabie.

Sudździa nie zadavoliła jejnaha chadajnictva ab pradastaŭleńni pierakładčyka. Admovu patłumačyła tym, što ŭ Biełarusi «dźviuchmoŭje». Biez zadavalnieńnia zastałasia prośba Siemčanki razhladzieć spravu ŭ budynku suda, bo videatranślacyja praz skajp pastajanna pieraryvajecca.

Taciana Kaściuk admoviłasia tłumačyć abvinavačanaj, što takoje «apazycyjnaja symbolika». Advod sudździ taksama nia byŭ zadavoleny.

Dokazami viny Volhi Siemčanki było videa aperatyŭnikaŭ z «Maršu svabodnaj Biełarusi». Na im padsudnaja siabie nie paznała praz «kiepskuju jakaść zdymkaŭ». Na videa bačnaja kalona prychilnikaŭ pieramienaŭ ź bieł-čyrvona-biełymi ściahami, ale papiaredžańnia milicyi, što šeście niesankcyjanavanaje nie čuvać.

Volhu Siemčanku schapili 2 kastryčnika ŭ centry horadu, niepadalok ad teatru.

Paźniej ź Leninskaha adździełu milicyi patelefanavali znajomcu zatrymanaj z prośbaj zabrać jaje rovar. U sudzie jana davodziła: u jaje z užyvańniem siły ŭ milicyi «vykrali» mabilny telefon, a paźniej zajavili, što jon aryštavany, pakul jana nia spłacić štrafy za pravaparušeńni. Ź milicyi žančynu adpravili ŭ izalatar.

Ab vyzvaleńni Siemčanki biez pakarańnia ŭ prakuraturu i sud źviartalisia aktory teatru, jakija davodzili, što jaje adsutnaść na pracy parušaje ŭzajeminy z zamiežnymi partnerami, a taksama ŭ reklamavańni pastanovak. Prasili vyzvalić jaje i ŭdzielniki klubu biełaruskich tancaŭ narodnych tancaŭ, jakim jana kiruje.

Padtrymać abvinavačanuju pryjšło bahata jaje kalehaŭ dy siabroŭ. Na praces, jaki prachodziŭ u kabinecie sudździ, trapiła tolki 12 čałaviek. Astatnija čakali sudovaha vyniku ŭ kalidory.

• 0
• 0
• 0
• 0
• 0
• 0
• 0
• 0