U teatry padčas antraktu dziciačaha śpiektakla źjavilisia amapaŭcy. Dyrektar patłumačyŭ, što jany tam rabili
27 vieraśnia ŭ Muzyčnym teatry adbyŭsia pakaz ranišniaha śpiektakla «Mery Popins». U antrakcie hledačy niečakana ŭbačyli ŭ faje ludziej u čornym. Ich fatahrafiju apublikavała na svajoj staroncy ŭ fejsbuku błohier, ekśpiert pa kultury i etykiecie Aksana Zareckaja, adznačaje Tut.by.
Na nastupny dzień, 28 vieraśnia, adzin z hledačoŭ pakinuŭ elektronny zvarot na sajcie teatra. 1 kastryčnika jamu adkazaŭ dyrektar teatra Siarhiej Pukita (adkaz jość u rasparadžeńni TUT.BY).
Jak patłumačyŭ Pukita, «ludzi, apranutyja ŭ formu z apaznavalnymi znakami, zajšli ŭ pamiaškańnie teatra z metaj skarystacca hramadskaj prybiralniaj».
Jak udakładniŭ dyrektar kalektyvu, z boku ludziej, jakija ŭvajšli ŭ teatr, «nie ździejśniałasia dziejańniaŭ, jakija mahli nanieści škody žyćciu i zdaroŭju hledačoŭ».
Kamientary