Biełarusam — 43,6 rubla, zamiežnikam — 47,6. U Nacyjanalnym aeraporcie pravodziać ekspres-testy na karanavirus
U Nacyjanalnym aeraporcie Minsk akazvajuć pasłuhu pa ekspres-testavańni na karanavirus mietadam imunachramatahrafičnaha analizu (ICHA), paviedamlaje BiełTA.
Dla praviadzieńnia analizu robiać mazok z nasahłotki i vyznačajuć antyhien karanavirusnaj infiekcyi (SARS-CoV-2) hetak ža, jak i pry daśledavańni mietadam PCR. Pry hetym chutkaść praviadzieńnia testu - usiaho 15-20 chvilin.
Pasłuha akazvajecca ŭsim žadajučym. Dla biełaruskich hramadzian košt testavańnia składaje 43,6 rubla, a dla zamiežnikaŭ — 47,6 rubla. Zbor materyjału dla daśledavańnia pravodzicca našča abo jak minimum praz 1,5 hadziny paśla ježy abo kureńnia.
Punkt testavańnia znachodzicca ŭ 5-6 siektary ŭ ahulnadastupnaj zonie da prachodžańnia pieradpalotnych pracedur u zonie vyletu.
U aeraporcie źviarnuli ŭvahu, što vyniki ekspres-testu mietadam ICHA nie padychodziać dla krain, dzie pa prybyćci patrabujecca vynik testavańnia na COVID-19 mietadam PCR.
«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami7
Kamientary