Michaił Partnoj, namieśnik ministra sportu i turyzmu Biełarusi, u razmovie z karespandentam Tribuna.com adkazaŭ na paviedamleńni pra cisk ź jaho boku na spartoŭcaŭ, jakija vykazvajucca pra padziei, što adbyvajucca ŭ Biełarusi, i chodziać na mirnyja akcyi pratestu.

«Što tyčycca razmoŭ maich sa spartoŭcami, to, paŭtarusia, nijakich pahroz nie było. Usio łajalna, spakojna. Prabačcie, ja kandydat palityčnych navuk, u mianie čatyry vyšejšyja adukacyi. Mnie całkam chapaje słenhu, razmoŭnaha zapasu, kab narmalna pahavaryć. Ale ja zaŭsiody kažu śviadoma. I mahu skazać, što tyja spartsmieny, ź jakimi ja pravodziŭ dyjałoh, potym dziakavali za toje, što advioŭ ich z kryvoj darožki. Ciapier hetyja spartsmieny zajmajucca spravaj, jany naceleny na vynik. Ja razmaŭlaŭ i z baksiorami, i z barcami, i ź lohkaatletami. Ludzi adyšli ad hetaha [vykazvańnia niezadavolenaści], ciapier pracujuć na spartyŭny vynik, źbirajucca prasłaŭlać našu krainu, a nie naadvarot — dzialić, dziarbanić, stvarać niervozny mikraklimat u kalektyvach. Heta nam nie treba. My ŭpeŭnienyja ŭ svaich siłach. My pieramožam», — skazaŭ Partnoj.

Клас
0
Панылы сорам
0
Ха-ха
0
Ого
0
Сумна
0
Абуральна
0