Paśla pratestnaj akcyi 13 vieraśnia ŭ Homieli na asabistym aŭto była zatrymanaja žycharka Rečycy Maryja Baradzina. Pryčynaj zatrymańnia milicyja nazvała padazreńni z kodam aŭtamabila, piša Homielskaja viasna.
Sa słoŭ 62-ch hadovaj žančyny jana pašyła i pryviezła ŭ Homiel vielizarny 23-mietrovy bieł-čyrvona-bieły ściah, jaki pratestoŭcy nieśli ŭ kałonie padčas akcyi. Bližej da vakzała nacyjanalny štandar zharnuli i pakłali ŭ bahažnik Tajoty Baradzinoj.
«Ja adrazu ž była zatrymanaja razam z aŭto, dastaŭlena ŭ Čyhunačny RAUS Homiela, dzie mianie abvinavacili ŭ niesankcyjanavanym vuličnym šeści. Aŭtamabil sa ściaham mnie nie addali, jon zastaŭsia na stajancy ŭ adździaleńni milicyi. Nazaŭtra sud Čyhunačnaha rajona Homiela vypisaŭ mnie štraf 810 rubloŭ, pytańnie aŭtamabila sa ściaham zastałosia sudom niavyrašanym», — raspaviała žančyna.
Administracyjny štraf abskardžany ŭ abłasnym sudzie. Było pryniata rašeńnie zapisacca na asabisty pryjom da načalnika RAUS z patrabavańniem viarnuć aŭtamabil i ściah, što niezakonna ŭtrymlivajucca, ich zakonnamu ŭładalniku.
23 vieraśnia paśla razmovy z načalnikam rajonnaj milicyi Iharam Cimašenkam aŭtamabil z 23-ch mietrovym bieł-čyrvona-biełym pałotniščam viarnuli Maryi Baradzinoj.
Kamientary