Morkva vahoj 2 kiłahramy 150 hramaŭ vyrasła na leciščy Michaiła Niachaja ŭ Starych Darohach. U daŭžyniu — 25 santymietraŭ, a razam z baćvińniem — bolš za paŭmietra. U akružnaści vierchniaja častka składaje 40 santymietraŭ, piša miascovaje vydańnie «Naviny Staradarožčyny».
«Pasiejali nasieńnie morkvy hatunku «Nanckaja» jašče minułaj vosieńniu, — z honaram raskazvaje Michaił Vasiljevič. — Siejali pamiž radami cybuli na zimu, kab atrymać rańni ŭradžaj. Uviesnu jana pajšła ŭ rost i nie spyniałasia. Stali nazirać. Strełku harodnina tak i nie puściła, naadvarot, usio bolš kuściłasia. Ź nieciarpieńniem čakali, kali možna budzie ŭbačyć karniapłod. Cikava ž, jaki jon u ziamli. I voś nadyšoŭ momant. Pasprabavali vyciahnuć, dy dzie tam — mocna siadzić. Tady pryjšłosia z unukam Hlebam morkvu vykapać. Nas pierapaŭniali zachapleńnie i ździŭleńnie, bo takich «rekardsmienak» my nikoli nie vyroščvali».
Siamja morkvu pakul nie kaštavała, ale rašeńnie ŭžo pryniała. Kali budzie niasmačnaja, to stanie łasunkam dla trusoŭ, a kali sałodkaja — na tarku i zamaroziać.
Cichanoŭskaja pavinšavała tvitar z hadavinaj bitvy pad Oršaj. I tut pačałosia14
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary