Deputat Jeŭrapiejskaha parłamienta ad Łatvii, były mer Ryhi Nił Ušakoŭ paviedamiŭ, što prahałasavaŭ za rezalucyju Jeŭraparłamienta ab uviadzieńni sankcyj suprać Alaksandra Łukašenki i vysokapastaŭlenych čynoŭnikaŭ krainy z-za źbićcia pratestoŭcaŭ, u pryvatnaści žančyn. Pra heta palityk napisaŭ na svajoj staroncy ŭ Facebook.
Ušakoŭ patłumačyŭ, što dla ruskaha deputata Jeŭraparłamienta z Łatvii «heta byŭ nie samy prosty vybar». Jon taksama piša, što Łukašenka «jak prezident vielmi šmat zrabiŭ dla Biełarusi», akramia taho, mnohim, u tym liku ŭ Łatvii, «jon sam i jaho styl kiravańnia padabajucca», i hetyja ludzi ličać niedazvalalnym umiašańnie ŭ spravy susiedniaj krainy.
Niahledziačy na heta, Ušakoŭ prahałasavaŭ za rezalucyju, pakolki ličyć niedapuščalnym bić žančyn. «Heta absalutna adekvatnaje prapanova ŭvieści sankcyi suprać ludziej, jakija bjuć žančyn», — zajaviŭ jeŭradeputat, dadaŭšy, što takim čynam tyja, chto majuć dačynieńnie da hvałtu, nie zmohuć mieć biznes u ES abo nie atrymajuć dazvoł na žycharstva.
Kamientary