Biznesmien Mikada prypyniŭ prajekt dapamohi zvolnienym siłavikam
Zasnavalnik PandaDoc Mikita Mikada prypyniŭ prajekt finansavaj dapamohi siłavikam, jakija pryniali rašeńnie zvolnicca. Pra heta jon raspavioŭ u intervju BBC.
Rašeńnie prypynić prajekt Mikita Mikada pryniaŭ paśla zatrymańniaŭ svaich supracoŭnikaŭ. Tym, chto šukaje padtrymki, jon paraiŭ źviartacca ŭ inšyja prajekty padobnaha napramku.
Heta było jaho asabistym rašeńniem, jakoje pradyktavana turbotaj pra biaśpieku kalehaŭ.
«Kali metaj było spynić dapamohu siłavikam, što zvolnilisia, jakuju akazvaŭ asabista ja, to tak, ułada damahłasia svaich metaŭ. Ja nie chaču, kab jašče kahości, nie datyčnaha da majoj inicyjatyvy, pasadzili ŭ turmu», — adznačyŭ jon.
Ciapier Mikita Mikada znachodzicca ŭ pracesie rełakacyi biełaruskaha ofisa PandaDoc u inšuju krainu.
Kamientary