Kramu «Kniaź Vitaŭt» u Breście, jakaja pradaje tavary ź biełaruskaj simvolikaj, pazbavili pamiaškańnia
Na vulicy Savieckaj, 55 krama pracuje apošnija try dni, piša Radyjo Svaboda.
Jak paviedamili ŭ kramie, «ź niezaležnych ad nas pryčynaŭ my vymušanyja pakinuć pamiaškańnie ŭ suviazi ź niepraciahnieńniem damovy arendy. Viadziom pošuk pamiaškańnia. Ale znajści dobraje pamiaškańnie ŭ dobrym miescy niaprosta i moža zaniać niamała času».
Jak patłumačyŭ Svabodzie adzin z zasnavalnikaŭ kramy Siaržuk Bachun, ułaśnik pamiaškańnia, pryvatnaja asoba, vyrašyŭ nie praciahvać kantrakt arendy, choć narakańniaŭ na apłatu nie było.
Haspadar nijak nie patłumačyŭ rašeńnia.
Raniej krama mieła prablemy za prodaž bieła-čyrvona-biełych ściahoŭ i inšaj symboliki: apiačatvali pamiaškańnie, kanfiskoŭvali ściahi, kiepki i branzalety z nacyjanalnaj symbolikaj, padatkovaja pravodziła pravierku, urešcie administracyjnuju spravu na kramu pieradali ŭ ekanamičny sud Bieraścia, paviedamiŭ Siaržuk Bachun.
Ciapier pastaŭki skaročanyja da minimuma, asartyment źmianšajecca, niekatoryja pazycyi ŭžo skončylisia.
«Napieradzie nas čakaje sud, vydatki na abaroncaŭ, pierajezd, zakupka abstalavańnia i reklamnych vyviesak, pieraafarmleńnie ŭsich dakumentaŭ, źviazanych sa źmienaj handlovaj kropki i ŭrešcie zakupka i vytvorčaść novaha asartymientu tavaru»,— paviedamili ŭ kramie.
Krama «Kniaź Vitaŭt» specyjalizujecca na tavarach z histaryčnaj, narodnaj i nacyjanalnaj symbolikaj.
-
«Tempieratura — 40, tabletki nie dapamahali». Biełaruska ź invalidnaściu ciažka pierachvareła na anhinu i ciapier šukaje hrošy na lačeńnie ŭ Polščy
-
Napiaredadni śviat kvitki na aŭtobus ź Minska ŭ Vilniu adčuvalna daražejuć
-
Kavaleŭski: Intaresy Biełarusi ŭ mirnych pieramovach pa Ukrainie nielha ihnaravać
Chtości stvaryŭ falšyvy sajt KDB i ciškom źbiraŭ danosy1
Kamientary