Fiederacyja futboła papiaredziła pra niedapuščalnaść palityčnych žestaŭ na matčach
ABFF razasłała kłubam vyšejšaj lihi list, u jakim papiaredziła ab niedapuščalnaści vykarystańnia palityčnych žestaŭ.
Tam padkreślivajecca, što futboł jak alimpijski vid sportu pavinien zastavacca niejtralnym u palityčnych, relihijnych, etničnych, rasavych i inšych pytańniach i h.d.
Źviartajecca ŭvaha, što 21-23 žniŭnia «mieli miesca vypadki vykarystańnia hulcami kamand žestaŭ, pradmietaŭ adzieńnia, nadpisaŭ na ekipiroŭcy, źviazanych z adkrytaj prajavaj svaich palityčnych prychilnaściaŭ.
«Futbolnyja matčy i źviazanyja ź im cyrymanijalnyja mierapryjemstvy pavinny zastavacca svabodnymi ad prajavy svaich palityčnych pieravah z boku hulcoŭ i aficyjnych asob (trenieraŭ, sudździaŭ, inśpiektaraŭ i inš.)», — havorycca ŭ liście za podpisam hienieralnaha sakratara ABFF Žardzieckaha.
Nahadajem, što niekatoryja hulcy z roznych lih u hetyja vychadnyja śviatkavali hały padniatym uvierch kułakom i znakam victory. Sercajka, kułak i znak pieramohi źjaŭlajucca simvałam abjadnanaha štaba Śviatłany Cichanoŭskaj.
A «Krumkačy» naohuł vyjšli na matč pieršaj lihi ŭ majkach, na jakich było napisana «My z narodam».
Taksama futbalisty hulali ź biełymi stužkami na rukach, jakija źjaŭlajucca simvałam ruchu «Za sumlennyja vybary».
Tribuna dadaje, što niekalki miesiacaŭ pa ŭsim śviecie va ŭsich vidach sportu vykazvajuć padtrymku čarnaskuramu nasielnictvu płaniety (ruch Black Lives Matter). Spartsmieny ŭstajuć na adno kalena, na majki, spartyŭnyja placoŭki i stadyjony nanosiacca nadpisy.
Udzielnika «X-faktara» aryštavali za palityku — chutka budzie sud1
Kamientary