Pavieł Sucharukaŭ uznačalvaŭ vydaviecki dom «Źviazda» apošnija try z pałovaj hady. 20 žniŭnia jon raźvitaŭsia z kalektyvam. Za try dni da hetaha supracoŭniki «Źviazdy» prapanavali sumlenna aśviatlać padziei, jakija adbyvajucca ŭ krainie paśla vybaraŭ.

Paśla hetaha ŭ redakcyju «Źviazdy» pryjechaŭ ministr infarmacyi Ihar Łucki, a taksama pradstaŭnica Administracyi prezidenta Volha Špileŭskaja. U vyniku Sucharukaŭ syšoŭ sa «Źviazdy», a novym hałoŭnym redaktaram staŭ eks-ministr infarmacyi Aleś Karlukievič.

«NN» zmahła ŭziać nievialiki kamientar u Paŭła Sucharukava: «Heta majo ŭłasnaje rašeńnie, nijakaj palityki, ja sam vyrašyŭ syści. Nichto z supracoŭnikaŭ «Źviazdy» nie bastavaŭ, takoha nie było. Byli peŭnyja chvalavańni, vy ž razumiejecie, jakaja ciapier abstanoŭka ŭ krainie. Nijakich jurydyčnych umovaŭ dla zabastoŭki nie było. Kalektyŭ byŭ vielmi mocny, tryvały. Ja ŭdziačny losu, što kolki hadoŭ papracavaŭ razam ź imi», — skazaŭ Pavieł Sucharukaŭ.

Kudy ciapier płanuje ŭładkavacca na pracu były redaktar? «U mianie jość miesiac-paŭtara adpačynku, budu źbiracca z dumkami. Jość prapanovy, ich ahučvaŭ ministr infarmacyi na sustrečy siońnia, ale nie chaču ich ahučvać, bo sam ničoha nie vyrašyŭ», — adkazvaje spadar Pavieł.

Ci zasmučany jon tym, što sychodzić sa «Źviazdy»? «Kaniečnie, zaŭsiody, kali čałaviek pakidaje pracu, jakuju lubiŭ, to padobnyja adčuvańni. Ja zasmučany, viadoma, ale hety sum, chutčej, taki dobry. Mnie zdajecca, što kalektyvu było pryjemna sa mnoj pracavać, ale lepš spytać u ich samich», — adznačaje Sucharukaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?