Vybary-20204343

Kamisija naličyła Cichanoŭskaj 244 hałasy, a vybarcy dasłali 1850 fota biuleteniaŭ — top minskich škoł ź dziŭnymi vynikami

Na sajcie sistemy «Hołas» apublikavanyja vyniki padliku hałasoŭ pa roznych vybarčych učastkach. Šmat na jakich ź ich naziralnikam tak i nie pakazali vynikovyja pratakoły. U pryncypie, užo i nie pakažuć — farmalna ŭčastkovyja i rajonnyja kamisii spynili svaju pracu, značycca, i pytacca niama ŭ kaho.

Adnak na tych učastkach, dzie pratakoły ŭsio ž źjavilisia, cikava paraŭnać ich vyniki z kolkaściu biuleteniaŭ, dasłanych u padtrymku Śviatłany Cichanoŭskaj u «Hołas».

«Naša Niva» źviarnuła ŭvahu na niekalki staličnych škoł, dzie roźnica ŭ vynikach hałasavańnia šakuje.

Škoła №61 (učastak №42 Pieršamajskaha rajona)

Najbolš anamalnyja vyniki zafiksavanyja ŭ škole №61 na vulicy Kiryły Turaŭskaha, da jakoj adniesienyja ŭsie novyja damy «Majaka Minska». Tamu kolkaść vybarcaŭ tut zavialikaja, tysiačy čałaviek.

Pa śviedčańni ludziej, u 16:00 u dzień hałasavańnia ŭ čarzie im paviedamili, što biuleteni ŭžo skončylisia. U vyniku biuleteni adniekul usio ž źjavilisia, ale tysiačny natoŭp čakaŭ mahčymaści prahałasavać da apošniaj chviliny.

Staršynia kamisii Aksana Piatrovič

Kamisija na čale ź piedahoham-psichołaham škoły №61 Aksanaj Piatrovič zafiksavała nastupnyja vyniki:

  • Łukašenka — 745 (67,8%)
  • Cichanoŭskaja — 244 (22,2%).
  • Ahułam udzielnikaŭ hałasavańnia — 1099 čałaviek.

Adnak stvaralniki «Hołasa» paviedamlajuć, što ŭ ich jość z hetaha ŭčastka 1850 zdymkaŭ biuleteniaŭ ad ludziej, jakija prahałasavali za Cichanoŭskuju. Roźnica z aficyjnymi vynikami — 1606 hałasoŭ.

Škoła №6 (učastki №68 i №69 Frunzienskaha rajona) 

U bolšaści minskich škoł znachodzilisia adnačasova niekalki ŭčastkaŭ. Časam ličby na ich kardynalna adroźnivalisia, časam prykładna supadali.

Dyrektarka škoły №6 Halina Hietmančuk

Škoła №6 na vulicy Jankoŭskaha ŭ Sucharavie — samy jaskravy prykład adrazu dvuch anamalnych učastkaŭ. Jaje dyrektarka Halina Hietmančuk ułasnaručna ŭznačaliła adnu z kamisij. Druhuju — nastaŭnica pačatkovych kłasaŭ Volha Stanišeŭskaja.

Učastak №68 (staršynia — Stanišeŭskaja):

  • Łukašenka — 1324 (69,7%)
  • Suprać usich — 317 (16,7%)
  • Cichanoŭskaja — 117 (6,2%)
  • Ahułam udzielnikaŭ hałasavańnia — 1899 čałaviek.

U bazie «Hołasa» 970 zdymkaŭ biuleteniaŭ ad ludziej, jakija prahałasavali za Cichanoŭskuju. Roźnica z aficyjnymi vynikami — 853 hałasy.

Učastak №69 (staršynia — Hietmančuk):

  • Łukašenka — 1179 (63,1%)
  • Suprać usich — 366 (19,6%)
  • Cichanoŭskaja — 115 (6,2%)
  • Ahułam udzielnikaŭ hałasavańnia — 1868 čałaviek.

U bazie «Hołasa» 789 zdymkaŭ biuleteniaŭ ad ludziej, jakija prahałasavali za Cichanoŭskuju. Roźnica z aficyjnymi vynikami — 674 hałasy.

Škoła №105 (učastki №18 i №19 Maskoŭskaha rajona) 

Treciaj ilustracyjaj damo škołu №105 na vulicy Chmialeŭskaha ŭ Hrušaŭcy. Čym admietnaja jana?

Tut byli dva ŭčastki. 

Učastak №18, da jakoha adniesienyja žychary novych damoŭ pa praśpiekcie Dziaržynskaha, abjadnanyja abaronaj Hrušaŭskaha skviera. Heta miesca, dzie skancentravany najmahutny pratestny elektarat — u damach ciapier vyviešvajuć 20-mietrovyja bieł-čyrvona-biełyja ściahi.

Dyrektarka škoły Valancina Sakovič była tut namieśnicaj staršyni kamisii. A ŭznačalvała kamisiju zavuč Volha Mielnikava.

Volha Mielnikava (źleva) i Valancina Sakovič (sprava). Fota Nadziei Bužan

Učastak №19 — staryja damy Hrušaŭki, tut bolš piensijanieraŭ i padtrymka Cichanoŭskaj nie takaja vyraznaja.

Tym nie mienš vyniki byli supraćlehłyja.

Učastak №18, «pratestny»

  • Łukašenka — 954 (60,5%)
  • Suprać usich — 366 (21,9%)
  • Cichanoŭskaja — 198 (12,6%)
  • Ahułam udzielnikaŭ hałasavańnia — 1578 čałaviek.

U bazie «Hołasa» 884 zdymki biuleteniaŭ ad ludziej, jakija prahałasavali za Cichanoŭskuju. Roźnica z aficyjnymi vynikami — 686 hałasoŭ.

Padlik hałasoŭ na ŭčastku №18. Fota Nadziei Bužan
Stos biuleteniaŭ u padtrymku Cichanoŭskaj u rukach staršyni kamisii. Fota Nadziei Bužan

Učastak №19, «niepratestny»

  1. Cichanoŭskaja — 545 (52,9%)
  2. Łukašenka — 389 (37,7%)
  3. Suprać usich — 58 (5,6%)
  4. Ahułam udzielnikaŭ hałasavańnia — 1031 čałaviek.

Admietna, što naziralniki, jakija siadzieli na ŭvachodzie ŭ škołu, zafiksavali ŭ dzień vybaraŭ 3000 udzielnikaŭ hałasavańnia — stajali hihanckija čerhi. Kamisii ž naličyli ŭ paŭtara raza mienš ludziej.

***

Inšyja anamalnyja miescy Minska:

  • himnazija №43 — učastak №22 Frunzienskaha rajona — 126 hałasoŭ za Cichanoŭskuju ŭ pratakole — 915 fota biuleteniaŭ.
  • škoła №197 — učastak №50 Pieršamajskaha rajona — 85 — 699.
  • škoła №151 — učastak №74 Frunzienskaha rajona — 109 — 689.
  • škoła №59 — učastak №32 Frunzienskaha rajona — 77 — 637.
  • škoła №99 — učastak №103 Frunzienskaha rajona — 108 — 638.
  • škoła №23 — učastak №13 Frunzienskaha rajona — 95 — 616.

Kamientary43

U Biełarusi źmianili praviły abmienu valut. Try hałoŭnyja novaŭviadzieńni

U Biełarusi źmianili praviły abmienu valut. Try hałoŭnyja novaŭviadzieńni

Usie naviny →
Usie naviny

Paniadziełak staŭ samym haračym dniom u historyi nazirańniaŭ

«Vostraŭ čyścini» kančatkova likvidujecca1

Byłuju žonku śpievaka Rusłana Muśvidasa taksama sudzili za pratesty

Palitviazień Dzianis Ivašyn prysłaŭ baćkam parady, jak pieražyć śpioku: Nijakich vychadaŭ u ciaplicu

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ12

Iłan Mask zajaviŭ, što zhubiŭ syna z-za błakataraŭ pałavoha vyśpiavańnia24

U Franciška Skaryny ŭ Prazie skrali piaro — heta zdaryłasia nie ŭpieršyniu3

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

bolš čytanych navin
bolš łajkanych navin

U Biełarusi źmianili praviły abmienu valut. Try hałoŭnyja novaŭviadzieńni

U Biełarusi źmianili praviły abmienu valut. Try hałoŭnyja novaŭviadzieńni

Hałoŭnaje
Usie naviny →