Dziasiatki tysiač pratestoŭcaŭ dajšli da płoščy Niezaležnaści. Jany patrabujuć: «Trybunał!»
Demanstranty zaniali płošču Niezaležnaści i navakolli Čyrvonaha kaścioła: žaryć sonca, a starejšyja ludzi i dzieci stomlenyja ŭžo čatyrma hadzinami na soncy. Ludzi praciahvajuć ściakacca z usich bakoŭ. Ruch transpartu pa prylehłych vulicach pierakryty.
Kryčać: «Dzie BT?», «Trybunał!», «Sašu ŭ aŭtazak».
Siońnia na płoščy prajšoŭ mitynh u padtrymku Łukašenki, na jakim sam kiraŭnik krainy vystupiŭ ź vielmi niervovaj pramovaj. Milicyja acaniła kolkaść ŭdzielnikaŭ aficyjnaha mitynha ŭ 65-70 tysiač.
18:50
Na płoščy Niezaležnaści desantniki, jakija vystupajuć za pieramieny, vystrailisia sa svaimi ściahami. Adzin ź ich vystupiŭ ź mikrafonam, jon skazaŭ na biełaruskaj, što ŭ nas jość prezident - Śviatłana Cichanoŭskaja. Natoŭp staŭ skandavać: «Śvieta - naš prezident!» Na płoščy staić mašyna chutkaj dapamohi, ź jakoj razdajuć vadu.
18:51
Tym časam ludskaja kałona raściahnułasia da płoščy Pieramohi.
Siłavikoŭ na płoščy nie vidać. Pryjšoŭ Uładzimir Niaklajeŭ.
19:15
Na płoščy Niezaležnaści ŭžo bolš za 100 tysiač čałaviek.
19:20
Pryjšła Maryja Kaleśnikava. Častka prajšła da SIZA da Vaładarskaha, dzie siadzić Cichanoŭski.
19:46
Maryja Kaleśnikava vystupiła pierad prysutnymi na płoščy Niezaležnaści. Jana paŭtaryła, jak užo kazała kala steły, što «hałoŭnaje patrabavańnie biełarusaŭ — były prezident pavinien padać u adstaŭku. My — svabodnyja i jeŭrapiejskija biełarusy - prosim miru i biaśpieki dla našych dziaciej».
Maryja Kaleśnikava źviarnułasia da rabotnikaŭ zavodaŭ i fabryk, usich čynoŭnikaŭ i dypłamataŭ, siłavych struktur, rabotnikaŭ telebačańnia:
— U vas jość ciapier apošni šaniec stać na bok naroda, nas tut bolšaść.
Jana ŭdakładniła, što «zhodna šmatlikich źviestak i fiksacyi, Śviatłana Cichanoŭskaja atrymała pieramohu na vybarach prezidenta».
Kitaj paprasiŭ Biełaruś narmalizavać adnosiny z Polščaj — krynica6
Kamientary