Štab Śviatłany Cichanoŭskaj: «Vitajem strajk supracoŭnikaŭ BT, salidarnyja z patrabavańniami narodu»
«My zaŭsiody vieryli, što siarod čynoŭnikaŭ i rabotnikaŭ dziaržaŭnych medyjaŭ jość sumlennyja i prystojnyja ludzi, — paviedamiŭ u pres-relizie štab kandydatki ŭ prezydenty na minułych vybarach. — My bačym, što ŭ ich, jak i ŭ mnohich inšych, ciapier prachodzić strach pierad systemaj, i jany hatovyja havaryć toje, što jany sapraŭdy dumajuć pra sytuacyju ŭ krainie. Dziakuj usim žurnalistam ź dziaržaŭnych medyjaŭ, jakija vyjšli i nie zabajalisia skazać praŭdu. Dziakuj supracoŭnikam Biełteleradyjokampanii, hatovym dałučycca da strajku», paviedamlaje Radyjo Svaboda.
Pavodle štabu, kamanda Cichanoŭskaj i sama kandydatka «z nadziejaj hladziać na mirnyja akcyi na vulicy haradoŭ» i «adčuvajuć, što ściana pasypałasia». Jany «hatovyja razmaŭlać z uładami ab tym, jak i kali Łukašenka sydzie z pasady kiraŭnika dziaržavy». Taksama štab zaklikaje ŭsie pracoŭnyja kalektyvy dałučycca da biesterminovaha strajku z patrabavańniami vyzvaleńnia palitviaźniaŭ i zatrymanych na akcyjach, advodu vojskaŭ i AMAP z haradoŭ, pryciahnieńnia da adkaznaści «siłavikoŭ, vinavatych u katavańniach i rasstrełach mirnych hramadzianaŭ», praviadzieńnia pieramovaŭ ab mirnaj pieradačy ŭłady.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?18
Kamientary