Schod rabotnikaŭ MTZ adbyvaŭsia za prachadnoj, žurnalistaŭ tudy nie prapuścili. Ale z vulicy byli čuvać šmahałosyja skandavańni «Śvietu!» i «Žyvie Biełaruś!».

Paśla schodu rabočyja i dyrektar MTZ vyjšli za prachadnuju da žurnalistaŭ. Voś što jany skazali.
Dyrektar pryznaŭ, što pieršaja źmiena MTZ pracu spyniła. Jon nie viedaje, ci raspačnie pracu druhaja źmiena.
Rabočyja źviarnuli ŭvahu žurnalistaŭ, što dyrekcyja zavoda chacieła b, kab byli vyłučanyja tolki ekanamičnyja patrabavańni.
Miž tym, skazali jany, naša pieršaje patrabavańnie, kab było nieadkładna praviedziena refarmavańnie siłavych struktur, kab byli zvolnienyja vinavatyja ŭ źbićci ludziej. Druhoje patrabavańnie - źmiena ŭłady ŭ krainie. Ź miesca padziei pieradaje karespandent «Našaj Nivy»
Rabočyja MTZ sfarmiravali stačkam z 23 čałaviek. Jany dadali da śpisu svaich patrabavańniaŭ rasfarmiravańnie CVK Jarmošynaj i nie prosta vyzvaleńnie, a poŭnuju reabilitacyju palitviaźniaŭ.
Pa sabranych stačkamam źviestkach, pad represii papała nie mienš 20 rabotnikaŭ MTZ
Kamientary