«Čym horšaje stanovišča ŭłady, tym bolšaja chłuśnia». Maci zatrymanaha mazyranina prakamientavała siužet ANT
U siužecie ANT za 8 žniŭnia byŭ pakazany nibyta žychar Mazyru, aktyvist supolnaści «Strana dla žiźni» Rusłan Parfionaŭ, piša Radyjo Svaboda.
Rusłan Parfionaŭ (sprava) na pikiecie ŭ Mazyry dyskutuje z vystupoŭcam, skrynšot ź videa pravaabarončaj arhanizacyi «Paleskaja Viasna»
Na videa maładzion, zakadravy hołas apaviadaje, što jon pryznaŭsia ŭ vyrabie «vožykaŭ», kab spyniać techniku siłavych orhanaŭ.
Siabry i maci Rusłana Parfionava aburanyja siužetam, bo jaho «hieroj» zusim nie padobny da Rusłana.
«Rusłan mažny, vysoki, a tut niejki chudarlavy junak, na 10 hadoŭ maładziejšy», — raskazaŭ Svabodzie siabar Rusłana Andrej. Maci Rusłana Ludmiła zaznačyła, što «jašče nikoli nia bačyła takoj chłuśni». «Ja hetyja brachlivaja dziaržaŭnyja kanały nie hladžu, mianie prosta vanituje! U nas byŭ vobšuk, pytalisia pra «vožyki». Ja kažu: «A raściažki vam nia treba znajści? Moža, mnie 900 tysiač dalaraŭ pakiniecie, jak Cichanoŭskamu, dyk ja choć kredyty spłaču?», — prakamentavała Ludmiła.
Rusłana Parfionava zatrymali 6 žniŭnia. Svajakoŭ nie dapuścili na sud.
«Nas haniali z sudu na izalatar, ź izalataru ŭ milicyju, na sud nie puścili, daviedalisia tolki pra vynik — 10 sutak; za što — nichto nie skazaŭ», — dadała maci Rusłana Ludmiła.
Siarhieju Dubaŭcu — 65. Pahutaryli pra novyja knihi, dražnieńnie Łukašenki, biznes na Zanzibary i samy ščaślivy čas8
Kamientary