Litoŭskija muzyki vykazali słovy padtrymki da biełarusaŭ VIDEA
U miežach akcyi biełaruskich tvorcaŭ «Kultpratest» adny z samych viadomych litoŭskich muzykaŭ, u tym liku lehiendy litoŭskaha roku, vykazalisia nakont padziej u Biełarusi. Jany padtrymali biełaruskuju tvorčuju intelihiencyju i biełaruski narod u baraćbie za mirnyja demakratyčnyja pieramieny i vykazali svaje słovy padtrymki.
Svaje słovy salidarnaść vykazali:
Andrus Mamantavas (Andrius Mamontovas) — rok-muzyka, aŭtar piesień, muzyčny pradziusar i akcior. Zasnavalnik i frantmen lehiendarnaha litoŭskaha rok-hurta «Foje». Arhanizatar Dnia vuličnaj muzyki ŭ Miensku ŭ 2011 hodzie. Siarod inšaha, śpiavaŭ razam ź Lavonam Volskim na kancercie ŭ Vilni, kali biełaruski muzyka byŭ pad zabaronaj u Biełarusi.
Alhirdas Kaŭšpiedas (Algirdas Kaušpėdas) — lehiendarny rok-muzyka, były lidar kultavaha rok-hurta «Antis», a ciapier «KAnDIs», adzin ź inicyjataraŭ litoŭskaha niezaležnickaha ruchu «Sajudzis» (Sąjūdis).
Maks Miełman i Aleh Alaksiejeŭ — muzyki litoŭskaha hurta «Bipłan» («Biplan»), jakija, siarod inšaha, zapisali svaju pieśniu «Amore» na biełaruskaj movie. Śpiavali razam ź Lavonam Volskim u klipie «Śpiavajcie».
Julijus Aleksavas (Julijus Aleksovas) — vakalist litoŭskaha rok-hurta «Colours of Bubbles».
Jurha Šedujkite (sceničnaje imia Jurga) — litoŭskaja śpiavačka i aktorka, pryśviaciła biełarusam pieśniu.
Minčuki rasčaravanyja salutam na Dzień horada — šmat kamientaroŭ5
Kamientary