Vybary-20202525

Čeračań: Ja zrabiŭ usio, što moh, kab adbyłasia kaalicyja ź Cichanoŭskaj, ale destruktyŭnaja apazicyja abstupiła Śvietu

Usio jašče praciahvajucca razmovy, ci sabrali patrebnyja dla rehistracyi 100 tysiač podpisaŭ kandydaty ŭ prezidenty Hanna Kanapackaja, Andrej Dźmitryjeŭ i Siarhiej Čeračań. U ličby nie vierać navat pradstaŭniki ich štaboŭ.

Voś adzin štryšok adnosna zboru podpisaŭ za Čeračnia. Svaimi ŭražańniami ad pracy ŭ kamandzie vyrašyŭ padzialicca Siarhiej Padzołka z Barysava.

Siarhiej Padzołka. Fota z fejsbuka.

«Navat blizka nie sabrali za Čeračnia 100 tysiač podpisaŭ! Inicyjatyŭnaja hrupa vialikaja, ale ŭ realnaści mała chto źbiraŭ podpisy. U Barysavie źbirali čałavieki 3-4. I ŭsie razam my sabrali maksimum 1500 podpisaŭ, nie bolš. Ja asabista zdaŭ 400 podpisaŭ. Ja źbiraŭ pa 20-30 podpisaŭ u dzień. U inšych što, rajon horada lepšy byŭ? Ci ludzi inšyja? Nie. Ja dumaju, što pa krainie podpisy za Čeračnia realna źbirała čałaviek dvaccać.

Apošni tydzień zboru podpisaŭ mnie kazali jeździć u Minsk. Kab niechta ŭvohule bačyŭ, što my niejkuju «aktyŭnaść» prajaŭlajem. Ja stajaŭ la «Dana-Moła» try dni, za dzień pryvoziŭ pa 10-15 podpisaŭ. A byli dni, što ludzi źbirali pa 2-3 podpisy.

Nichto nie chacieŭ raśpisvacca za Čeračnia: nieviadomy čałaviek, nijak siabie nie pazicyjanavaŭ, nie prasoŭvaŭ. U jaho lubimaje słova — «kałabaracyja», što jon tam «skałabaruje» — nie zrazumieła.

Błanki nichto nie praviaraŭ, nichto nie hladzieŭ, tam kuča pamyłak. U adzin błank upisvajuć i Barysaŭski rajon, i Biarezinski. Nichto nie zahaniaŭsia.

Vyrašyŭ raskazać, bo ŭžo zusim tryźnieńnie tvorycca! To Čeračań kazaŭ, što budzie zdymacca, to nie budzie. Tut tydzień da vybaraŭ zastaŭsia, a jon usio pijarycca.

Podpisy za jaho ŭhavaryŭ mianie sabrać Źmicier Barodka [były kiraŭnik «Zubra», rodam z Barysava — «NN»]. Spadziajusia, mocna na mianie nie pakryŭdzicca».

«NN» vyrašyła spraŭdzić hetyja słovy ŭ samoha kandydata Siarhieja Čeračnia. Pierš-napierš jon dasłaŭ zdymak adbrakavanych štabam podpisaŭ. «I heta tolki častka», — zapeŭnivaje palityk. Heta jon adkazvaje datyčna taho, ci pravodziłasia pravierka.

Adbrakavanyja podpisy. Fota pradstaviŭ Siarhiej Čeračań.

«Što tyčycca Padzołki, to čałaviek nikoli nie byŭ u nas u štabie. Jon sapraŭdy źbiraŭ podpisy, i sabraŭ 400 aŭtohrafaŭ. U apošni tydzień, kali my spynili zbor u rehijonach, to prapanavali ludziam, kali ŭ ich jość čas i žadańnie, paźbirać u Minsku, apłočvali darohu, pražyvańnie. Pikiety za mianie stajali ŭ Minsku da apošniaha dnia zboru podpisaŭ. Ale ja nie razumieju pretenzij hetaha čałavieka», — kaža Siarhiej Čeračań.

Siarhiej Čeračań. Fota Nadziei Bužan.

«Nakolki nam viadoma, Siarhiej Padzołka źjaŭlajecca siabram partyi BSDP [heta adpaviadaje praŭdzie — «NN»], uvieś niehatyŭ idzie ad Ihara Barysava [kiraŭnik BSDP — «NN»]. Paśla taho, jak ja napisaŭ, što radykalnaja destruktyŭnaja apazicyja abstupiła Śvietu [Cichanoŭskuju — «NN»], pačaŭsia hety niehatyŭ. Staraja apazicyja razvaliła ŭžo ŭsio, što možna, ciapier jany sprabujuć razvalić i mahčymy aljans», — raskazvaje kandydat.

Kaho Čeračań maje na ŭvazie pad «radykalnaj destruktyŭnaj apazicyjaj»? «Mikałaja Kazłova, Vitala Rymašeŭskaha, taho ž Barysava… Hetaja kadka abstupiła Cichanoŭskuju. Ja zrabiŭ usio, što moh, kab kaalicyja adbyłasia», — skazaŭ Čeračań.

Kamientary25

Litva zabaraniaje ŭjezd aŭto na biełaruskich numarach1

Litva zabaraniaje ŭjezd aŭto na biełaruskich numarach

Usie naviny →
Usie naviny

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna15

Łukašenka zajaviŭ, što Ukraina zdymała z frontu samyja bajazdolnyja častki i adpraŭlała ich na miažu Biełarusi5

Jeŭrasajuz spyniaje zakupki mebli ź Biełarusi6

Na «Słavianskim bazary» pa danosie zatrymali dziaŭčynu z tatuiroŭkaj «ch*j vajnie»14

Ksiondz Andžej Juchnievič: Mianie mohuć za heta sudzić, ale ja chaču publična vykazać salidarnaść z bratami-ŭkraincami5

U Biełaviežskaj puščy małanka razarvała 200-hadovy dub VIDEA1

Rasija vykarystoŭvaje dla pieravozu piachoty holf-kary i biełaruskija matacykły. Ad hetaha straty rastuć11

Alimpijadu-2024 u Biełarusi nie pakažuć7

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju14

bolš čytanych navin
bolš łajkanych navin

Litva zabaraniaje ŭjezd aŭto na biełaruskich numarach1

Litva zabaraniaje ŭjezd aŭto na biełaruskich numarach

Hałoŭnaje
Usie naviny →