Vybary-20202222

Prafsajuzny lidar Jarašuk źviarnuŭsia da Dźmitryjeva, Kanapackaj i Čeračnia: Vy stavicie kryž na sabie jak na palitykach

Adkryty list kandydatam u prezidenty Respubliki Biełaruś Hańnie Kanapackaj, Andreju Dźmitryjevu, Siarhieju Čaračniu

Pavažanyja Hanna, Andrej i Siarhiej!

Zastalisia ličanyja dni da taho, kali nie tolki vyznačycca budučynia našaj krainy, ale i vaša piersanalnaja budučynia. Pakolki, kali vy nie źnimiecie svaje kandydatury i nie padtrymajecie da 9 žniŭnia Śviatłanu Cichanoŭskuju, jakaja atrymała padtrymku absalutnaj bolšaści vybarščykaŭ, vy prosta pastavicie kryž na sabie jak na palitykach. U vačach biełaruskaha naroda vy budziecie vyhladać jak ludzi, jakija pastavili svaje intaresy vyšej za jaho intaresy i stali pamahatymi Alaksandra Łukašenki, jaki imkniecca zachavać uładu.

Źniaćcie ž vami svaich kandydatur na karyść Śviatłany Cichanoŭskaj nie tolki pazbaŭlaje ŭładu mahčymaści manipulacyj z vami i z vašymi hałasami ŭ svaich intaresach, ale i budzie charaktaryzavać vas jak śpiełych, dalnabačnych i aščadnych palitykaŭ, zdolnych admovicca ad imhniennych taktyčnych vyhod na karyść doŭhaterminovych stratehičnych.

Vy ŭsio jašče adnosna maładyja ludzi, miarkujučy pa ŭsim, nie vypadkova trapili ŭ palityku i možacie pražyć u joj doŭhaje i paśpiachovaje žyćcio, majučy mahčymaść brać udzieł u prezidenckich vybarach i pieramahać na ich. Ale hetaja mahčymaść źjavicca ŭ vas nie raniej, čym u krainie adbuducca demakratyčnyja pieramieny i hetaja ŭłada sydzie.

A šancy na pieramieny i sychod ułady 9 žniŭnia pavyšajucca nie z vašym udziełam, a z vašym niaŭdziełam u vybarach, zdymańniem vašych kandydatur dziela ahulnaj pieramohi demakratyčnaha kandydata. I vaš udzieł u vybarach nie dadaje vam aŭtarytetu, a, naadvarot, pamianšaje, nie naroščvaje vaš palityčny kapitał, a jaho raźmieńvaje.

Uśviedamlajecie vy heta ci nie, ale sprava idzie mienavita takim čynam. Vybar ciapier za vami, jak rasparadzicca ŭłasnaj palityčnaj budučyniaj, — biazhłuzda pierakreślić jaje ci mudra adčynić u jaje dźviery. Ale zapomnicie adno:

Śviatłana Cichanoŭskaja i biełaruski narod, jaki padtrymaŭ jaje, 9 žniŭnia atrymajuć pierakanaŭčuju pieramohu. Zastajecca adkrytym tolki pytańnie, dzie budziecie vy, — u liku pieramožcaŭ razam sa Śviatłanaj Cichanoŭskaj i biełaruskim narodam abo ŭ liku tych, chto prajhraŭ razam z Alaksandram Łukašenkam. Inšych varyjantaŭ niama.

Z pavahaj,
Alaksandr Jarašuk,
staršynia Biełaruskaha kanhresa demakratyčnych prafsajuzaŭ

Kamientary22

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach5

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Usie naviny →
Usie naviny

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli7

Pamior biełaruski saksafanist Vital Jamuciejeŭ

Kałumbijski fanat, jaki ŭdaryŭ lidara zbornaj Uruhvaja Nuńjesa, vyjaviŭsia śviatarom FOTAFAKT2

Bajden nazvaŭ prezidentam Ukrainy Pucina20

Paźniak pierakanany, što ŭ druhim tury vybaraŭ-1994 pieramoh by Łukašenku69

«Avijakampanija apłaciła adpačynak». Biełaruski raskazali, jak lohka i prosta dabilisia kampiensacyi za zatrymku rejsa4

«Nie prydumaŭ, jak narezać». Biełarus pakazaŭ u tyktoku, jak zabivaje ćvik mahiloŭskaj kaŭbasoj4

Čatyry krainy NATA damovilisia sumiesna raspracoŭvać dalnabojnyja rakiety1

Jak pazbavicca plamaŭ ad soku sadaviny i jahad1

bolš čytanych navin
bolš łajkanych navin

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach5

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Hałoŭnaje
Usie naviny →