Na ŭkrainskim napramku jak u punktach propusku, tak i na zialonaj miažy budzie pavialičana kolkaść pahraničnych naradaŭ. Pra heta BIEŁTA paviedamiŭ aficyjny pradstaŭnik Dziaržpahrankamiteta Anton Byčkoŭski.

Aficyjny pradstaŭnik nahadaŭ, što ŭzajemadziejańnie orhanaŭ pamiežnaj słužby Biełarusi z ukrainskimi kalehami viadziecca na ŭzroŭni hałoŭnych pamiežnych upaŭnavažanych, jakimi źjaŭlajucca kiraŭniki pahraničnych viedamstvaŭ. Uzajemadziejańnie jość i na ŭzroŭni načalnikaŭ terytaryjalnych orhanaŭ pamiežnaj słužby na sumiesna achoŭnych učastkach miažy, až da kamandziraŭ padraździaleńniaŭ miažy.

«Dla aktyvizacyi ŭzajemadziejańnia na biełaruska-ŭkrainskaj miažy taksama zadziejničany kantaktny punkt «Pinsk-Žytomir», jaki źjaŭlajecca adnym z elemientaŭ sistemy intehravanaha kiravańnia miežami. Jon abstalavany sučasnymi srodkami pramoj suviazi dla apieratyŭnaha abmienu infarmacyjaj u režymie aŭdyja- i videakanfierencyj. Heta dazvalaje ŭ maksimalna ścisnutyja terminy kropkava reahavać na ŭźnikajučyja pahrozy ŭ metach harantavańnia pahraničnaj biaśpieki na hetym kirunku. Infarmacyja ŭ hety kantaktny punkt prychodzić z usich terytaryjalnych orhanaŭ pamiežnaj słužby, jakija achoŭvajuć biełaruska-ŭkrainski ŭčastak miažy», - adznačyŭ Anton Byčkoŭski.

Клас
0
Панылы сорам
0
Ха-ха
0
Ого
0
Сумна
0
Абуральна
0