Pres-słužba Śviatłany Cichanoŭskaj raspaŭsiudziła zajavu «ŭ suviazi z masiravanym ukidam roznaha rodu materyjałaŭ pra Siarhieja Cichanoŭskaha, u pryvatnaści, pa jaho pazicyi pa Krymie».

«My pryvodzim [na videa] jaho adkaz na pytańnie «čyj Krym?» ad 2020 hoda, — piša pres-słužba i dadaje: — Usie kamientary vy zmožacie atrymać u Siarhieja, jak tolki jon vyjdzie z turmy».

Voś dałučanaje videa, hladzieć z 55:00. Z hetaha videa možna zrazumieć taksama ahulnaje bačańnie palityčnaha momantu Cichanoŭskim, pa stanie na maj hetaha hoda.

Na adnym ź pikietaŭ pa zbory podpisaŭ žurnalist zapytaŭsia ŭ Siarhieja Cichanoŭskaha, jak jon aceńvaje pahrozu dla Biełarusi z boku Rasii. Na što błohier adkazvaje: «Ja taksama dumaju, chto ŭ Biełarusi prarasijski kandydat? Bo prosta nie ŭmiešvacca ŭ našyja ŭnutranyja spravy Rasija naŭrad ci moža sabie dazvolić, asabliva paśla kanfliktaŭ va Ukrainie. I paśla ja zrazumieŭ, što hety kandydat užo 26 hod tut jość, heta kandydat, jaki 30 darožnych kart padpisvaje. Jon jość užo, i jany ŭ im upeŭnienyja, nasamreč». 

A jak vybudoŭvać adnosiny z Rasijaj? «My pavinny žyć u suvierennaj, niezaležnaj dziaržavie, u Biełarusi, siabravać z usimi susiedziami, u tym liku z ruskimi, taksama jak z ukraincami i astatnimi. Nie suprać kahości z kimści siabravać, a prosta siabravać — i ŭsio, nakolki heta budzie mahčyma».

Nahadajem, što raniej praŭkrainski sajt «Infarmnapałm» zajaviŭ, što Cichanoŭski naviedvaŭ anieksavany Krym u 2017 hodzie i prylataŭ tudy praz Rasiju. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?