Analityk: Treba stajać u čerhach nie da CVK, a da Čeračnia, Dźmitryjeva i Kanapackaj, kab jany źnialisia
Palitołah Andrej Jelisiejeŭ nazvaŭ naiŭnymi tych, chto raźličvaje na sumlenny padlik hałasoŭ.
«Nijakaha niezaležnaha nazirańnia nie budzie. Vybarčyja ŭčastki buduć samyja sterylnyja za ŭsie hady isnavańnia suvierennaj Biełarusi va ŭsich adnosinach — bieź niezaležnych členaŭ (u miežach 0,01%) u kamisijach, biez zachodnich naziralnikaŭ, praktyčna biez nacyjanalnych niezaležnych naziralnikaŭ, — adznačaje palitołah.
Łukašenka padčas pieršaha tura buduć namalavanyja +-80%, navat kali ŭ biuleteni ŭ jakaści apanienta Łukašenki budzie Isus Chrystos.
Źniaćcie alternatyŭnych kandydataŭ z vybaraŭ nie aznačaje, što praciŭniki Łukašenki nie mohuć pryjści na ŭčastki i prahałasavać «suprać».
Pytańnie nie pra bajkot u razumieńni minimalnaj jaŭki, pytańnie ab stratehii delehitymizacyi psieŭdavybaraŭ va ŭmovach ich absalutnaj padkantrolnaści, — miarkuje palitołah.
— Samy dziejsny sposab — heta źniaćcie z vybaraŭ usich kandydataŭ albo najaŭnaść u biuleteni adnaho mocnaha alternatyŭnaha kandydata, i dalejšyja pradumanyja, mirnyja dziejańni šyrokaj kaalicyi, — kaža Andrej Jelisiejeŭ.
— Tysiačam biełarusaŭ nie treba padstaŭlacca pad dubinki. Bolš praktyčnaj karyści ad čerhaŭ nie ŭzdoŭž praśpiekta, a da Andreja Dźmitryjeva, Hanny Kanapackaj i Siarhieja Čaračnia dla mirnaha i pavažlivaha pierakanańnia ich źniacca z vybaraŭ», — miarkuje palitołah.
Stała viadoma, što za damovu ŭčora padpisali Łukašenka z Pucinym27
Stała viadoma, što za damovu ŭčora padpisali Łukašenka z Pucinym
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2121
Kamientary