Himnastka Mielicina Staniuta viadzie rubryku z treniroŭkami na kanale ANT. Vypusk vychodziŭ štotydzień u ranišnim efiry. Ale ŭ hety paniadziełak himnastku pa telebačańni nie pakazali.
«Ja vypadkova daviedałasia, što maja rubryka nie vyjšła ŭ paniadziełak. Pryčyn na telekanale nie tłumačyli. Mianie nie zvolnili — skazali, što rubryku prypynili da vieraśnia», — paviedamiła Mielicina.
Zahadzia himnastku nie papiaredžvali. U jaje było padrychtavana jašče niekalki vypuskaŭ dla efiru.
Niekalki dzion tamu Staniuta vykazałasia ŭ svaim instahramie ŭ padtrymku kramy «Symbal.by».
«U demakratyčnych krainach, kali hramadzianin nie parušaje zakon, jon pad achovaj! A što heta było ŭčora?! Staiš u čarzie ŭ kramu — siadziš u aŭtazaku! Kudy padzieŭsia zakon, jaki nas achoŭvaje?!», — emacyjna adreahavała Mielicina na zatrymańni.
Paźniej na ANT patłumačyli, čamu źniali z efiru rubryku himnastki.
«Mielicina ŭ nas — štatny supracoŭnik, im jana i zastajecca. Ale jana parušyła karparatyŭnyja praviły, jakija ŭzhadnialisia ź joj asabista jašče ŭ 2018 hodzie.
Tamu pakul rubryka ź jaje ŭdziełam časova vychodzić nie budzie, pytańnie budzie vyrašacca. Nie ŭ majoj kampietencyi raskazvać, što za praviły byli parušany, Mielicina viedaje jakija», — prakamientavała «Našaj Nivie» pres-sakratar ANT Iryna Rambalskaja.
Sama Mielicina adkazała, što nie ŭ kursie pra jakija parušeńni idzie razmova.
ANT: Mielicina Staniuta parušyła karparatyŭnyja praviły
-
Pažyćciovaje źniavoleńnie: u Varšavie abvieščany prysud za zhvałtavańnie i zabojstva biełaruski Lizy
-
Z 14 lutaha ŭjazdžać u Litvu na mašynach ź biełaruskimi numarami zmohuć tolki biełarusy ź litoŭskimi DNŽ i jašče niekalki katehoryj
-
Hałoŭčanka: Rana ci pozna supracoŭnictva Biełarusi z Zachadam adnovicca
Taksistam u Minsku paviedamili, što ŭ dzień vybaraŭ nie budzie internetu2
Kamientary