Piaskoŭ abvierhnuŭ zajavy Łukašenki ab datyčnaści Rasii da ŭmiašańnia ŭ vybary
Rasija nikoli nie ŭmiešvałasia i nie płanuje ŭmiešvacca ŭ elektaralny praces u Biełarusi, zajaviŭ pres-sakratar prezidenta Rasii Dźmitryj Piaskoŭ «Interfaksu» praktyčna adrazu ž paśla zajavy kiraŭnika Biełarusi, piša Tut.by.
«Tut možna adkazać adnaznačna, što Rasijskaja Fiederacyja nikoli nie ŭmiešvałasia, nie ŭmiešvajecca i nie źbirajecca ŭmiešvacca ŭ čyje b tam ni było elektaralnyja pracesy, tym bolš jakija prachodziać u našaha sajuźnika — Biełarusi», - skazaŭ Piaskoŭ ŭ čaćvier, kamientujučy zajavu Alaksandra Łukašenki ab «lalkavodach».
Nahadajem, 25 červienia Łukašenka skazaŭ, što za jaho vierahodnymi praciŭnikami na budučych prezidenckich vybarach stajać «lalkavody».
«Jany i z adnaho, i z druhoha boku. I ŭ Polščy žyvuć, i z Rasii padkidvajuć. My pra heta z prezidentam Pucinym pahavorym u bližejšy čas pry sustrečy, ale hetaja situacyja vielmi składanaja. Prymianiajucca samyja sučasnyja falšyvyja technałohii, idzie ŭmiašańnie z-za miažy ŭ našy vybary, ŭnutranyja spravy », - skazaŭ Łukašenka.
Vybary prezidenta Biełarusi projduć 9 žniŭnia.
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady28
Kamientary