Jeŭropa vyznačyła ŭmovy, na jakich budzie prapuskać turystaŭ u Šenhienskuju zonu, a taksama ŭ krainy Skandynaŭskaha paŭvostrava paśla adkryćcia źniešnich miežaŭ, piša Reuters.

Turystaŭ płanujecca prymać ź dziaržaŭ, dzie epidemijałahičnaja situacyja z COVID-19 supastaŭnaja abo lepšaja, čym u Jeŭropie. Pry hetym jana pavinna ŭžo stabilizavacca ci palapšacca.

Prajekt rekamiendacyj ciapierašniaj Charvatyi, jakaja staršyniuje ŭ ES, prapanuje dazvolić ujezd hramadzianam krain, jakija nie ŭvachodziać u ES, dzie kolkaść infikavanych stabilnaja abo źnižajecca, a taksama z krain z «supastaŭnaj abo lepšaj epidemijałahičnaj situacyjaj», čym u Jeŭropie.

Hety epidemijałahičny kryteryj vyznačajecca jak 16-20 novych vypadkaŭ infiekcyi, zarehistravanych na praciahu 14 dzion na 100 000 čałaviek.

Krainy taksama buduć acenienyja na pradmiet kolkaści pratestavanych, udaskanaleńni kantaktaŭ i lačeńnia, nadziejnaści źviestak i arhanizacyi ŭzajemnych pajezdak dla rezidentaŭ ES.

 Uzrovień zachvorvańnia ŭ Biełarusi ciapier značna pieravyšaje hetyja ličby.Taksama prapanavanaja mietadałohija moža vyklučyć padarožnikaŭ sa Złučanych Štataŭ i Mieksiki, bolšaj častcy Paŭdniovaj Amieryki, Paŭdniovaj Afryki, Rasii, Irana, Saudaŭskaj Aravii i Afhanistana.

label.reaction.like
0
label.reaction.facepalm
0
label.reaction.smile
0
label.reaction.omg
0
label.reaction.sad
0
label.reaction.anger
0