15 červienia pamierła Nadzieja Sienciurova, maci demakratyčnaha aktyvista Siarhieja Sienciurova. Žančynie było 82 hady.
«Jana mieła šmat prablem sa zdaroŭjem: invalidnaść pa sercy, pieraniesienyja insult, infarkt, apošnim časam rezka vyras cukar, choć na dyjabiet jana nie chvareła, — raspavioŭ Siarhiej Sienciuroŭ. — Ale ciapier kala troch tydniaŭ tamu mamu pakłali ŭ balnicu praz prablemy z sercam. Jana lažała ŭ «brudnaj» zonie, dzie lažać ludzi z «karonaj». Ja spytaŭsia, čamu tak, a daktary adkazali: ciapier «čystych» zonaŭ niama».
Paśla žančynie stała horš, na niekalki dzion jaje pakłali ŭ reanimacyju, zatym viarnuli ŭ zvyčajnuju pałatu. Praź niekatory čas stan znoŭ pahoršyŭsia. Nadzieju Paŭłaŭnu pieraviali ŭ reanimacyju. 15 červienia jana pamierła.
Pieršy analiz na karanavirus u žančyny byŭ admoŭnym, kaža syn.
«Ale ŭ daviedcy, jakuju ja atrymaŭ paśla śmierci mamy, staić sardečnaja niedastatkovaść i COVID-19, — raskazaŭ Siarhiej Sienciuroŭ. — Pachavali mamu 16 červienia, pryčym u adkrytaj trunie. Ja pytaŭsia ŭ morhu: čamu tak, kažuć ža, što kali była «karona», to cieła zakryvajuć u pakiecie? Mnie adkazali: ciapier my cieły apracoŭvajem, jany paśla apracoŭki biasškodnyja. Dakranacca nielha, ale možna nie zakryvać trunu».
Jak skłałasia žyćcio vunderkinda z Žodzina, jaki ŭ 12 hadoŭ pastupiŭ u miedycynski ŭniviersitet?9
Kamientary