Vypadak apisvaje ŭ svaim telehram-kanale aficyjny pradstaŭnik MUS Volha Čamadanava.
Dniom 10 červienia ŭ Słucki RAUS patelefanavaŭ učastkovy milicyjant i paviedamiŭ, što na jaho napali. Usio zdaryłasia ŭ adnoj ź viosak: aficer pryjšoŭ dadomu da 32-hadovaha mužčynu, kab dastavić jaho ŭ IČU, a zatym nakiravać u lačebna-pracoŭny prafiłaktoryj.
Mužčyna byŭ pjany, i kali zdahadaŭsia pra mety vizitu ŭčastkovaha, dastaŭ z-za pazuchi nož i staŭ pahražać.
Dla biaśpieki svajakoŭ ahresara milicyjant paprasiŭ ich vyjści na vulicu. U hety momant pačuŭsia zvon raźbitaj šyby — viaskoviec vyskačyŭ u akno i kinuŭsia naŭcioki. Kali inśpiektar jaho dahnaŭ i pasprabavaŭ zatrymać, padazravany znoŭ pakazaŭ nož. Učastkovamu ŭdałosia vybić zbroju, atrymaŭšy niaznačnaje ranieńnie ruki, i nadzieć kajdanki.
Raspačata kryminalnaja sprava za hvałt u dačynieńni da supracoŭnika orhanaŭ unutranych spraŭ. Mužčyna źmieščany ŭ IČU.
Cikava, što napadnik užo byŭ sudzimy za anałahičnyja złačynstvy. Spačatku ŭ vioscy jon napaŭ na milicyjanta, a zatym u budynku rajadździeła milicyi niekalki razoŭ udaryŭ apieratyŭnika.
Taksama jon złoŭžyvaje śpirtnym, za što bolš za 40 razoŭ pryciahvaŭsia da administracyjnaj adkaznaści.
Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy8
Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy
«Toje, što chtości «siadzić za palityku», źjaŭlajecca «častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami88
Kamientary