U Italii dapytajuć premjer-ministra. Jaho abvinavačvajuć u chałatnaści padčas pandemii karanavirusa
Svajaki pamierłych ličać, što ŭ Bierhama i inšych asnoŭnych epicentrach uspyški karanavirusa nieabchodna było ŭvodzić karancin raniej, čym heta zrabili ŭłady.
U čaćvier prakuratura horada atrymała 50 jurydyčnych skarhaŭ, padadzienych hramadskaj arhanizacyjaj Noi Denunceremo, u jakuju ŭvachodziać svajaki pamierłych.
Jany ličać, što dva harady ŭ Łambardyi — Alca-Łambarda i Niembra — nieabchodna było abviaščać čyrvonymi zonami adrazu paśla vyjaŭleńnia tam uspyšak karanavirusa.
Heta pieršy hrupavy pazoŭ u Italii, źviazany z pandemijaj. U Łambardyi va ŭładzie znachodzicca apazicyjnaja pravaja partyja «Liha poŭnačy», i šmat chto vinavacić jaje ŭ niezdavalniajučaj arhanizacyi baraćby z karanavirusam, a nie centralny ŭrad.
Akramia premjera, prakuratura dapytaje ministra ŭnutranych spraŭ Łučanie Łamardžezie i ministra achovy zdaroŭja Rabierta Sperancy.
Prakurory chočuć vyznačyć, ci jość padstavy dla pradjaŭleńnia abvinavačvańniaŭ u złačynnaj chałatnaści.
Pa Jeŭropie karanavirus pačaŭ raspaŭsiudžvacca mienavita z Łambardyi, bolš za pałovu ŭsich śmierciaŭ u Italii prypadaje na hety rehijon.
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»31
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary