Nafta viartajecca na rynki. Hladzicie, jakija aktyvy vyraśli ŭ mai
Pandemija karanavirusnaj infiekcyi praciahvaje zastavacca ŭ žyćci ludziej i ŭ suśvietnaj ekanomicy ŭ 2020 hodzie, choć ŭpłyŭ virusa pastupova źnižajecca. Abmiežavalnyja miery ŭ viadučych krainach pastupova źmiakčajuć, a biznes viartajecca da pracy ŭ paŭnavartasnym režymie.
Zrazumieła, heta pazityŭna adbivajecca na košcie tych aktyvaŭ, jakija ŭ pieršuju čarhu paciarpieli ad karancinu i źviazanych ź im prablem. Asabliva raduje adnaŭleńnie koštaŭ na čornaje zołata, jakoje pa vynikach traŭnia zastałosia pa-za kankurencyjaj, što kaža ab mahčymym chutkim uzdymie vytvorčych pradpryjemstvaŭ. Pra heta — u našym ahladzie sa śpiecyjalistami kryptapłatformy Currency.com.
Naftu WTI + 93%
Paśla katastrafičnaha krasavika, kali cana na techaskuju naftu abrynułasia nie prosta da nula, a dasiahnuła -40$ pa fjučarsach na pastaŭku ŭ traŭni, siońnia WTI pastupova viarnuŭsia da svaich pieradkryzisnych značeńniaŭ. Na praciahu maja amierykanskaj syravinie ŭdałosia vyraści na 93%, pieraadoleŭšy šlach ad $18,08 da $34,9. Dla padobnaha aptymizmu na rynku jość try pryčyny:
- Hałoŭny zakon rynkavych adnosin nichto nie admianiaŭ. Aktyŭ padaje ŭ košcie, kali na jaho adsutničaje popyt. Heta praciahvajecca da taho času, pakul košt nie dasiahnie takoha ŭzroŭniu, što popyt na aktyŭ źjavicca znoŭ. Tut kryjecca vyhada i NPZ, jakija zmahli tanna zakupicca syravinaj, i śpiekulantaŭ, jakija skuplali kantrakty na naftu za kapiejki, a ciapier buduć pradavać u razy daražej.
- Pastupovaje adnaŭleńnie vytvorčaści paśla karancinu viartaje popyt na syravinu, dziakujučy čamu i rastuć košty.
- Katastrafičny lišak nafty vymusiła krainy, jakija źjaŭlajucca viadučymi zdabyvalnikami, skaracić zdabyču i stvaryć štučny deficyt, jaki stanoŭča adbiŭsia na kaciroŭkach.
Gap +40%
Akcyi kampanii Gap, najbujniejšaha rytejlera adzieńnia ŭ ZŠA, prademanstravali ŭ traŭni rost na 40%, z $7,5 da $10,54, na fonie pastupovaha vychadu biznesu i ludziej z karancinu. Štat za štatam pavoli pačynajuć zdymać abmiežavalnyja miery, što viartaje kramy da žyćcia. Navat niahledziačy na stratu ŭ $180 młn za pieršy kvartał 2020 hoda, inviestary ličać, što Gap u budučyni praciahnie prynosić stabilny prybytak, choć i adznačajuć, što rezki ŭsplosk anłajn-rytejłu z-za karancinu pakinie svoj adbitak na afłajn-biznesie.
Cloudflare +36,6%
Cloudflare — adna z samych maładych na fondavym rynku kampanij, jakaja ažyćciaviła IPO ŭ vieraśni 2019 hoda. Kampanija pastaŭlaje pasłuhi pa sietkavaj biaśpiecy: abarona ad DDos napadaŭ, CDN, unutranyja i źniešnija brandmaŭery, veb-biaśpieka, vyjaŭleńnie i praduchileńnie ŭvarvańniaŭ, kantrol dastaŭki dadatkaŭ i inšyja. Pasłuhami Cloudflare karystajucca 10% kampanij sa śpisu Fortune 1000 i bolš za 18% kampanij sa śpisu Top-1000 veb-sajtaŭ. Dachod kampanii z 2016 hoda raście ŭ siarednim na 40% štohod i robić jaje adnoj z samych pierśpiektyŭnych IT-kampanij na fondavym rynku.
Na fonie karancinu biznes staŭ jašče bolš uvahi nadavać anłajn-kirunku, što pryviało da rostu kolkaści płaciežazdolnych klijentaŭ kampanii, pavialičyła vyručku i, adpaviedna, canu akcyj. Na praciahu maja papiery Cloudflare padaraželi na 36,6%, z $22,5 da $30,74, što zrabiła jaje samaj dachodnaj IT-kampanijaj u traŭni.
Abercrombie +35,6%
Čytajcie taksama: Tłumačym, jak pačać karystacca kryptapłatformaj — vielmi padrabiaznaja instrukcyja
Jašče adzin pradstaŭnik rytejła modnaj vopratki, kampanija Abercrombie & Fitch, vyrasła ŭ traŭni na 35,6%, z $9,71 da $13,2. Jak i ŭ vypadku z brendam GAP, 1049 kram sietki stali pastupova adkryvacca paśla karancinu, što ŭ budučyni stanoŭča adabjecca na roście vyručki i prybytku kampanii. Patańniełyja akcyi viadomaha rytejlera stali pryvabnaj mišeńniu dla inviestaraŭ. Pa miery palapšeńnia situacyi ŭ ekanomicy ludzi viernucca ŭ kramy i praciahnuć rabić pakupki — heta pradkazalny fakt, jaki dazvalaje vykazać zdahadku pra mahčymy rost prybytku kampanii i koštu jaje akcyj adpaviedna.
Srebra +18,6%
Źjaŭlajučysia pradstaŭnikom «cichaj havani», u jakuju sychodziać inviestary na čas roznych uzrušeńniaŭ u ekanomicy, srebra padtrymlivaje byčynaje rali zołata, choć i ź nievialikaj zatrymkaj. U traŭni kaštoŭny mietał padros z $14,86 da $17,6, što skłała 18,6%. Asnoŭnaja pryčyna, pa jakoj inviestary šukajuć prytułku ŭ zołacie i srebry, — abarona kapitałaŭ ad inflacyi. Adny tolki ZŠA vypuścili na rynak $9 trłn ničym nie zabiaśpiečanych hrošaj, kab padtrymać ekanomiku padčas pandemii. Taki kałasalny abjom tannych hrošaj nie projdzie niezaŭvažna dla inflacyi, usplosk jakoj jašče pabačym u budučyni.
Zaklučeńnie
Pandemija pratrymajecca jašče niekalki miesiacaŭ, a pra jaje aficyjnaje zaviaršeńnie, mahčyma, abvieściać nie raniej, čym u kancy hoda. Adnak užo zaraz pačynajecca paetapnaje źniaćcie roznych karancinnych mier, jakija vypuskajuć na svabodu biznes i ludziej, što dazvolić nievialikimi tempami pačać adnaŭlać ekanomiku.
Siońnia možna pačać pryhladać najbolš paciarpiełyja takienizavanyja akcyi i inšyja takienizavanyja aktyvy z metaj doŭhaterminovych pakupak. Pry hetym źviartajem vašu ŭvahu, što popyt i ceny na syravinnyja tavary pačnuć raści chutčej, pakolki vytvorčaść pačynajecca mienavita z syraviny.
Akcyi kampanij mohuć jašče mocna prasieści pa vynikach finansavaj spravazdačnaści za 2-i kvartał 2020 hoda, mienavita hetyja spravazdačy buduć adlustroŭvać tyja straty, jaki naniesła pandemija. Adpaviedna, dla pačatku varta dačakacca spravazdač, padzieńnia akcyj i tolki potym pryhladać najbolš pierśpiektyŭnyja mety dla pakupak.
Kryptapłatforma Currency.com dziejničaje ŭ adpaviednaści z zakanadaŭstvam Respubliki Biełaruś (u tym liku dekretam prezidenta Biełarusi «Ab raźvićci ličbavaj ekanomiki», jaki rehłamientuje paradak pracy z kryptavalutami i vyznačaje pravavy status kryptavalut). Bolš padrabiazna aznajomicca z kryptapłatformaj možna na aficyjnym sajcie: exchange.currency.com.
I nahadvajem, što inviestycyi źviazanyja z ryzykaj straty ŭsich inviestycyj. Pośpiech minułych inviestycyj nie aznačaje pośpiech u budučyni.
A dadzieny artykuł nie źjaŭlajecca finansavaj kansultacyjaj.
Bort Łukašenki z-za techničnych prablem viarnuŭsia ŭ Minsk bieź jaho12
Kamientary