«Vyjšaŭ z pałaty i straciŭ prytomnaść». U viciebskaj infiekcyjoncy pamior 62-hadovy doktar univiersiteckaj kliniki
62-hadovy Uładzimir Kunicki byŭ zahadčykam kafiedry otałarynhałohii Viciebskaha dziaržaŭnaha mieduniviersiteta i pracavaŭ łoram u klinicy pry ŭniviersitecie. Jon pamier u niadzielu, 31 maja.
«20 maja ŭ jaho byŭ dzień narodzinaŭ, my narmalna ź im razmaŭlali. A praź niekalki dzion žonka jaho paviedamiła, što jon u balnicy. Jon drenna siabie adčuvaŭ, prymaŭ kisłarod. Słaby byŭ. Učora vyjšaŭ z pałaty, straciŭ prytomnaść i pamior», — raskazvaje Jaŭhien, brat Uładzimira.
Doktar lažaŭ u Viciebskaj haradskoj infiekcyjnaj balnicy. Pa słovach brata, chvareŭ na karanavirus. Ciapier u toj ža balnicy znachodzicca žonka Uładzimira, taksama doktar — renthienołah.
Va ŭniviersitet na pracu mužčyna apošnim časam nie chadziŭ, pracavaŭ z doma — z pačatku krasavika VDMU pieraviali na dystancyjnaje navučańnie.
Na kafiedry Uładzimir pracavaŭ z 1985 hoda, byŭ kandydatam miedycynskich navuk. Pravioŭ bolš za 4500 apieracyj. U 2015-m atrymaŭ hrant prezidenta u halinie achovy zdaroŭja.
«U aŭtorak u hadzinu dnia padviazuć da ŭniviersiteta raźvitacca, na adlehłaści 10 mietraŭ, a ŭ dźvie hadziny — na mohiłki. Pachavajuć tam, dzie našy tata z maci lažać», — uzdychaje brat Jaŭhien.
Pratasieviču admianili hihancki štraf, i jon palacieŭ na adpačynak u Dubaj31
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2525
Kamientary