Pra heta kiraŭnik krainy zajaviŭ siońnia padčas narady ź ministram zdaroŭja Uładzimiram Karanikam i svaim pamočnikam Alaksandram Kosincam.

«Nam treba ratavać ludziej, u tym płanie, što treba zmahacca za žyćcio ludziej. Pakazčyk adzin zastaniecca — śmiarotnaść ludziej. I toje, što my ŭ hetym płanie najlepšyja ŭ śviecie, — nichto ŭžo nie asprečvaje. Nichto!» — padkreśliŭ Łukašenka.

Pavodle źviestak Minzdaroŭja, za ŭvieś čas ad karanavirusa ŭ Biełarusi pamierli 185 čałaviek (25-je miesca ŭ Jeŭropie), heta 20 vypadkaŭ na 1 młn nasielnictva (12-je miesca ŭ Jeŭropie).

Paraŭnajem ź inšymi krainami Jeŭropy: horšyja pakazčyki ŭ Polščy — 965 śmierciaŭ (abo 25 na 1 młn), Litva — 61 śmierć (22 na 1 młn), Rasija — 3099 (21 na 1 młn).

Ale: Ukraina — 579 śmierciaŭ (13 na 1 młn), Łatvija — 22 śmierci (12 na 1 młn), Słavakija — 28 śmierciaŭ (5 na 1 młn), Hrecyja — 166 (16 na 1 młn), Bałharyja — 120 (17 na 1 młn).

Śmiarotnaść pa absalutnych ličbach u Jeŭropie

Kolkaść vypadkaŭ śmierci ad karanavirusa na 1 młn čałaviek u Jeŭropie

Mahčyma, majecca na ŭvazie kolkaść śmierciaŭ na ahulnuju kolkaść zachvarełych.

Клас
0
Панылы сорам
0
Ха-ха
0
Ого
0
Сумна
0
Абуральна
0