U pačatku 2021 hoda kala budučaj stancyi mietro «Słucki Haściniec» u Kurasoŭščynie pačnuć budavać šmatfunkcyjanalny kompleks «Panarama», u jakim budzie vialikaja zona zabaŭ, a taksama kramy, ofisy i parkoŭki. TUT.BY dzielicca padrabiaznaściami.

Vyjava pradastaŭlena kampanijaj «Biełzamiežbud»

Vyjava pradastaŭlena kampanijaj «Biełzamiežbud»

Dzie i jakoj budzie «Panarama»?

Učastak pad zabudovu znachodzicca na skryžavańni vulic Karžanieŭskaha i Kižavatava. Hetaja ziamla z sakavika 2019 hoda naležyć na pravie arendy kampanii «ReałHradInviest», jakaja kupiła prava jaje zabudovy na aŭkcyjonie.

Dyrektar «ReałHradInviest» Andrej Dajnovič raspaviadaje, što ŭžo sa studzienia 2021 hoda jany pačnuć budavać na hetym miescy šmatfunkcyjanalny kompleks «Panarama». Vyhladać jon budzie tak:

Vyjava pradastaŭlena kampanijaj «Biełzamiežbud»

Vyjava pradastaŭlena kampanijaj «Biełzamiežbud»

— Na pieršym miescy ŭ nas buduć zabavy i stvareńnie dobraha nastroju, i tolki potym — handal. Bo kali čałaviek zadavoleny, jon nie śpiašajecca, jon hatovy hladzieć, słuchać i vybirać, — kaža Andrej Dajnovič.

Tamu ŭ «ReałHradInviest» nazyvajuć «Panaramu» nie handlova-zabaŭlalnym, a zabaŭlalna-handlovym centram. Pa słovach Dajnoviča, hetaja kancepcyja była raspracavana ŭ liku inšaha z dapamohaj anhielskaj i tureckaj kansałtynhavych kampanij.

Ahulnaja płošča «Panaramy» — kala 68,5 tysiačy kvadratnych mietraŭ. Na pieršym paviersie, jaki zajmaje 12 tysiač «kvadrataŭ», raźmieścicca sietkavy mahazin tavaraŭ dla doma i supiermarkiet, akramia taho, restaran chutkaha charčavańnia, jaki, mahčyma, budzie kruhłasutačnym. Taksama tut buduć apteki, krama kvietak, adździaleńnie banka i inšaje.

Druhi ž pavierch RTC całkam addaduć pad zabavy. Na płoščy kala 8 tysiač kvadratnych mietraŭ raźmieściacca šmatzalny kinateatr, vialiki kavorkinh, fudkort, a taksama dziciačy centr raźvićcia i padrychtoŭki da škoły. Heta abhruntoŭvajecca tym, što ŭ apošni čas ludzi ŭsio bolš šukajuć mahčymaść dobra pravieści čas pa-za domam.

Ofisnaja častka — heta trynaccać pavierchaŭ prykładna pa 1,3 tysiačy «kvadrataŭ» kožny. Na nižnich pavierchach administracyjnaj častki buduć miedycynski centr i trenažornaja zała z mahčymaściu kruhłasutačnaj pracy.

Akramia taho, inviestary prajekta chočuć stvaryć u «Panaramie» i niešta novaje dla Biełarusi. Jak varyjant — prastoru z marskim piaskom, dzie kruhły hod budzie śvietła i ciopła.

Клас
0
Панылы сорам
0
Ха-ха
0
Ого
0
Сумна
0
Абуральна
0