Incydent adbyŭsia dniami na vulicy Volnaj. U milicyju patelefanavaŭ 62-hadovy mužčyna, jaki paviedamiŭ pra toje, što staŭ achviaraj złamyśnikaŭ. Nieviadomyja na vulicy stuknuli jaho i vychapili z ruk torbu, u jakoj mužčyna nios niekalki pačkaŭ hrečki, suški i bochan chleba. A potym źbiehli, ale piensijanier zapomniŭ ich, raskazała «Rehijanalnaj haziecie» aficyjny pradstaŭnik RAUS Maładziečna Julija Kruk.
Aryjenciroŭku z prymietami padazravanych pieradali ŭsim naradam i apieratyŭnikam. Ale padazravanyja ŭžo byli zatrymanyja. Niezadoŭha da atrymańnia aryjenciroŭki mužčyn zaŭvažyli pravaachoŭniki. Padazravanyja chavalisia ŭ kustach, niedaloka ad miesca zdareńnia.
Ich dastavili ŭ pastarunak.
Padčas zatrymańnia mužčyny ŭžo byli pjanyja, što paćvierdziła miedycynskaje daśledavańnie.
Kamientary