Ad 29 sakavika i pa 11 maja ŭ Vilejskim rajonie zarehistravana 56 stanoŭčych vypadkaŭ karanavirusa. Pra heta peramoga.by raskazała hałoŭny doktar Vilejskaj CRB Iryna Makarava.
Usiaho było praviedziena 380 abśledavańniaŭ.
12 vilajčan užo całkam vylečylisia, ich vypisali, inšyja prachodziać lačeńnie ambułatorna i vyzdaraŭlivajuć.
Pa słovach spadaryni Makaravaj, kali pačałasia karanavirusnaja infiekcyja, u vobłaści było pryniata rašeńnie častku balnic pieraprafilavać dla akazańnia miedycynskaj dapamohi pacyjentam ź pnieŭmanijaj, vierahodnymi abo paćvierdžanymi vypadkami karanavirusnoj infiekcyi. Tamu praz centr ekstrannaj miedycynskaj dapamohi da hetaha času my nakiroŭvali vilajčan u Vałožynskuju, Maładziečanskuju, Minskuju rajonnuju balnicy.
Z časam, kali situacyja ź infiekcyjnymi zachvorvańniami raźvivałasia, było pryniata rašeńnie pieraprafilavać ad 8 maja terapieŭtyčnaje adździaleńnie Vilejskaj CRB, jakoje ŭžo pieranieśli ŭ chirurhičny korpus sa staroha budynka, na 45 łožkaŭ u infiekcyjnaje adździaleńnie №1, a traŭmatałahičnaje adździaleńnie na 30 łožkaŭ — u infiekcyjnaje adździaleńnie №2. U suviazi z hetym usie vilejskija pacyjenty byli nakiravanyja nazad, u Vilejku, a z 11 maja tut prymajucca pacyjenty ź inšych rajonaŭ.
Anioły na stoli, załaty joršyk i dyzajn z vokładki časopisa. Jak vyhladajuć kvatery ŭ elitnych damach Minska ŠMAT FOTA1
Kamientary