U Mahilovie pačali sudzić žurnalista Alesia Asipcova. Jon trymaje haładoŭku
Niaštatny karespandent BiełaPAN Aleś Asipcoŭ byŭ zatrymany za nibyta administracyjnaje pravaparušeńnie, ale za jakoje, nie było viadoma da samaha suda, paviedamlaje Radyjo Svaboda.
Na praces nie puścili dačku žurnalista Janinu i aktyvistaŭ, jakija pryjšli jaho padtrymać. Viadoma, što Asipcoŭ trymaje haładoŭku ad 9 maja.
Aleś Asipcoŭ źnik 9 maja — u hety dzień u Babrujsku prajšoŭ niesankcyjanavany «antyparad», na jaki zaklikaŭ błohier Siarhiej Cichanoŭski. Pierad akcyjaj zatrymali šerah žurnalistaŭ.
Pra miescaznachodžańnie Alesia nie było ničoha viadoma, milicyja kazała, što ničoha nie viedaje. Ale dačka žurnalista prasačyła telefon baćki praz admysłovuju prahramu — prahrama pakazała, aparat znachodzicca ŭ Babrujsku, na vulicy Hohala, 18. Heta adździeł milicyi Leninskaha rajona horada. Paźniej Asipcova pieravieźli ŭ izalatar Mahilova.
Učora ŭžo dva žurnalisty atrymali administracyjny aryšt. Michaś Aršynski z Mahilova asudžany na 10 sutak, štraf 45 bazavych i 10 sutak atrymaŭ Źmicier Łupač z Hłybokaha. Źmitru ŭ sudzie stała błaha, u jaho zdaryŭsia hipiertaničny kryz, jaho špitalizavali.
Kamientary