A što apazicyja? Chryścijanskija demakraty — za bajkot, Hubarevič i Kazłoŭ — kožny za siabie
Abviaščeńnie prezidenckich vybaraŭ na 9 žniŭnia pastaviła ŭ ciažkoje stanovišča pradstaŭnikoŭ partyjnaj apazicyi, jakija abjadnalisia ŭ kaalicyju, kab pry dapamozie prajmieryz vyłučyć adzinaha kandadata.
Prajmieryz pavinny byli składacca z troch častak: pajezdki pa rehijonach, internet-hałasavańnia i kanhresu demakratyčnych siłaŭ. Praz pandemiju kandydaty zmahli abjechać tolki dźvie vobłaści z šaści. Kanhres u ciapierašnija terminy taksama pravieści nielha.
8 maja prajšło-anłajn pasiadžeńnie subjektaŭ, jakija ŭdzielničajuć u prajmieryz.
«1) Usie pryznajuć, što praceduru skončyć niemahčyma ŭ tym farmacie, jaki byŭ zajaŭleny pieršapačatkova;
2) pryznačanyja kansultacyi z kiraŭnictvaŭ usich subjektaŭ prajmieryz u samy najbližejšy čas; 3) adzinstva subjektaŭ, niahledziačy na ŭsie źniešnija vykliki, zachoŭvajecca; 4) u kancy dnia čakajecca pres-reliz (nie raniej za 18:00) ab supolnaj pazicyi», — skazaŭ kiraŭnik štaba Ihar Barysaŭ.
Jak stała viadoma «NN» sa svaich krynic, na hety momant Biełaruskaja chryścijanskaja demakratyja prapanuje admovicca ad udziełu ŭ vybarach i abvieścić bajkot. A voś AHP i ruch «Za Svabodu» ličać, što ŭdzielničać treba navat u takich umovach, vykarystoŭvać mahčymaści dla pracy ź ludźmi.
Pry hetym Hubarevič nastojvaje, što pieramožcam dvuch etapaŭ prajmieryz staŭ mienavita jon, a Kazłoŭ kaža, što pajezdki varta anulavać — i tady kandydatam musić stać jon jak pieramožca anłajn-hałasavańnia.
U Minsku raźbirajuć Histaryčnuju majsterniu, jakaja zachoŭvała pamiać pra Chałakost2
Kamientary