Navukoŭcy źviazvajuć vysoki ŭzrovień śmiarotnaści ad karanavirusa ŭ Jeŭropie ź niedachopam vitaminu D.

Pra heta śviedčać papiarednija vyniki daśledavańnia, praviedzienaha navukoŭcami z Fondu balnicy karalevy Lizaviety i Univiersiteta Uschodniaj Anhlii, pieradaje Science alert.

Navukoŭcy praanalizavali siaredni ŭzrovień vitaminu D siarod infikavanych z 20 jeŭrapiejskich krain, a zatym paraŭnali ličby pa adnosnaj kolkaści śmierciaŭ u kožnaj krainie.

Zvyčajny statystyčny test pakazaŭ, što pamiž pakazčykami isnuje dastatkova vyraznaja i pierakanaŭčaja karelacyja. Tak, u hrupach z bolš nizkim uzroŭniem hetaha vitaminu adbyvałasia bolš śmiarotnych vypadkaŭ. Heta niadziŭna, kali źviarnucca da prac bolš nadziejnych, u jakich davodziłasia, što zdarovy ŭzrovień vitaminu D moža źnizić ryzyku reśpiratornych zachvorvańniaŭ, u pryvatnaści hrypu, tubierkulozu, a taksama astmy ŭ dziaciej.

Akramia taho, hety vitamin padtrymlivaje ŭzrovień kalcyju ŭ kaściach. Daśledčyki adznačajuć, što važnuju rolu jon vykonvaje jašče i ŭ funkcyjanavańni imunnaj sistemy. 

Клас
0
Панылы сорам
0
Ха-ха
0
Ого
0
Сумна
0
Абуральна
0