Pra heta padčas bryfinhu paviedamiŭ ministr achovy zdaroŭja Biełarusi Uładzimir Karanik, piša sb.by.

Jon udakładniŭ, što testy nie vyjaŭlajuć virus, a vyznačajuć reakcyju arhanizmu na jaho:

— Kali ŭ pacyjenta raźvivajecca zachvorvańnie, chaj navat u lohkaj formie, praz 5-7 dzion u kryvi źjaŭlajucca antycieły da virusa. Test dazvolić vyznačyć dva typy imunahłabulinaŭ: adny śviedčać ab aktyŭnym infiekcyjnym pracesie, druhija — antycieły pamiaci, jakija śviedčać ab nabytym imunitecie.

Siońnia atrymana pieršaja partyja ekspres-testaŭ na vyznačeńnie antyciełaŭ da COVID-19. Pa słovach ministra, pieršyja 5 tysiač testaŭ buduć vykarystoŭvacca ŭ pryjomnych adździaleńniach stacyjanaraŭ i dazvolać padzialić pacyjentaŭ z bakteryjalnaj pnieŭmanijaj, ź pnieŭmanijaj, abumoŭlenaj inšaj infiekcyjaj, i ź pnieŭmanijaj, abumoŭlenaj karanavirusam. Na nastupnym tydni prybuduć jašče 100 tysiač testaŭ.

— U najbližejšy čas, kali mietodyka pracy z ekspres-testami budzie adpracavana, my damo hramadzianam mahčymaść prajści analiz. Vielmi spadziajemsia, što pieršyja testy buduć zroblenyja ŭžo na nastupnym tydni — pakul ludziam ź simptomami. U budučyni takaja mahčymaść budzie pradastaŭlena hramadzianam biez epidanamniezu, — adznačyŭ ministr achovy zdaroŭja.

Клас
0
Панылы сорам
0
Ха-ха
0
Ого
0
Сумна
0
Абуральна
0