Pytańni ambułatornaha lačeńnia i adpaviednych terminaŭ u ramkach procidziejańnia raspaŭsiudžvańniu karanavirusa abmierkavany siońnia na naradzie ŭ Alaksandra Łukašenki, piša BIEŁTA.

«U apošni čas my kažam: samaizalacyja, samaizalacyja… Adkryta skažam, u nas niama nijakaj samaizalacyi. Heta faktyčna ambułatornaje lačeńnie. My ž na hetuju samaizalacyju nakiroŭvajem ludziej rašeńniem doktara. Heta było majo žaleznaje patrabavańnie — vypracujcie dakumienty», — zajaviŭ kiraŭnik dziaržavy.

Pavodle jaho słoŭ, kali raniej špitalizavali ŭsich sotniami, uklučajučy asob, pryznanych kantaktami pieršaha i druhoha ŭzroŭniaŭ, to zaraz zrazumieli, što ŭ hetym nie zaŭsiody jość nieabchodnaść. Asabliva havorka ab praciahłych terminach špitalizacyi. «My bačym, što čałaviek narmalny, jon u nas pabyŭ 3-5 dzion. Doktar bačyć (užo z vopytu), što jaho tam trymać nie treba, ale treba pabierahčy. My jamu, hruba kažučy, pa-narodnamu, u zuby dakumient, jon raśpisvajecca, a doktar jamu prapisvaje 3, 5, 7 dzion na hetuju samaizalacyju (heta značyć faktyčna ambułatornaje lačeńnie). Jon u nas na kantroli. Kali treba, my jaho lečym, doktar prychodzić. Milicyja kantraluje, kab jon hetyja 3 abo 5 prapisanych u dakumiencie dzion siadzieŭ doma», — adznačyŭ Alaksandr Łukašenka.

Pry hetym jon zaklikaŭ daktaroŭ, kab jany nie nakiroŭvali na doŭhaje ambułatornaje lačeńnie ŭ chatnich umovach, tolki zychodziačy ź niejkaj pierastrachoŭki. «Niekatoryja daktary ŭ hetym dakumiencie nakiroŭvajuć na heta lačeńnie, samaizalacyju až na 14 dzion. Nie budzie jon 14 dzion siadzieć. Heta faktyčna čałaviek, što papraŭlajecca, abo zdarovy. Pišycie stolki, kolki treba. Słuchajcie, kali 14 dzion, to jaho ŭžo lepš u stacyjanary trymać. My ž adpuskajem tych, chto idzie na vyzdaraŭleńnie, prytym dobrymi tempami. U jaho simptomaŭ niama nijakich. Doktar bačyć, što jon moža doma dalačycca», — skazaŭ jon

Urad vydaŭ pastanovu ab samaizalacyi. Što heta takoje i kaho zakranie?

Minzdaroŭja choča dazvolić ludziam ź lohkaj formaj karanavirusa lačycca doma

Клас
0
Панылы сорам
0
Ха-ха
0
Ого
0
Сумна
0
Абуральна
0