Priorbank pavialičyŭ staŭki pa depazitach u biełaruskich rublach da 13% hadavych. U banku adznačajuć, što depazity pa-raniejšamu źjaŭlajucca samym papularnym sposabam źbieražeńniaŭ u nasielnictva.
Rublovyja ŭkłady afarmlajuć na termin ad 2 da 24 miesiacaŭ, pracenty pa ich naličvajucca i kapitalizujucca kožny miesiac. Staŭka fiksavanaja na ŭvieś termin i nie moža być źnižana ŭ adnabakovym paradku.
Pry najaŭnaści rachunku ŭ banku možna aformić ŭkład z doma — u internet-banku abo mabilnym dadatku. U inšym vypadku praz kantakt-centr možna zabraniravać čas naviedvańnia bližejšaha adździaleńnia dla chutkaha afarmleńnia dakumientaŭ i absłuhoŭvańnia, što ciapier asabliva aktualna.
«Rublovyja ŭkłady pa novych staŭkach - dobraja forma ŭkładańnia źbieražeńniaŭ dla tych, chto buduje doŭhaterminovyja płany. Priorbank prapanuje hnutkuju sistemu, u jakoj možna vybrać tyja paramietry ŭkładu, jakija dapamohuć dasiahnuć pastaŭlenaj mety», — raspaviali ŭ banku.
Usie ŭkłady nasielnictva abaronieny harantyjaj dziaržavy. Pryčym havorka jak pra sumu ŭkładzienych źbieražeńniaŭ, tak i pracenty na ich.
Kamientary