«Maci prasiła renthien lohkich, ale ŭ paliklinicy admovili. Ciapier u jaje paćvierdzili karanavirus»
Jak stała viadoma Radyjo Svaboda, u siamiejnaj pary, jakim u paliklinicy admaŭlali rabić renthien lohkich, vyjavili dvuchbakovuju pnieŭmaniju. A ŭ žonki paćvierdzili karanavirus.
Pra hety vypadak užo pisałasia. 23 sakavika ŭ 52-hadovaha mužčyny ŭźniałasia temperatura i źjaviłasia słabaść. Potym dadaŭsia kašal, haračka, źnik niuch. Padobnyja symptomy stali prajaŭlacca i ŭ jahonaj žonki. 30 sakavika da ich na dom pryjšła lekarka, ahledzieła abaich i skazała, što im niama čaho niepakoicca.
Ciapier muž znachodzicca ŭ tuberkuloznym dyspansery z dvuchbakovaj pneŭmanijaj. A žonka — u 3-m špitali. U jaje taksama dvuchbakovaja pneŭmanija, plus stanoŭčy test na karanavirus.
I muž, i žonka zmahli trapić u špital tolki paśla taho, jak zrabili kamputarnuju tamahrafiju lohkich u płatnym medyčnym centry. U paliklinicy № 27, kudy jany źviartalisia, lekary skazali, što pakazańniaŭ dla renthienu nie było. 4 krasavika žančynie ŭ hrubaj formie admovili, maŭlaŭ, lohkija ŭ paradku, heta čuvać i biez renthienu.
«Strašna, što inšyja ludzi mohuć pasłuchać padobnych lekaraŭ», — raskazaŭ Svabodzie ichny syn.
Jon ličyć, što kali b baćki davierylisia paradam daktaroŭ z palikliniki, u ich mahła b zaciahnucca pneŭmanija i ŭ ciažkim stanie ich daviałosia b padklučać da aparata štučnaj ventylacyi lohkich.
«Dobra, što sami krucilisia i zapłacili. Dziakuj Bohu, usio ŭ paradku», — skazaŭ syn.
Tata zrabiŭ kamputarnuju tamahrafiju pa strachoŭcy. Maci zapłaciła 180 rubloŭ za praceduru i kansultacyju.
Ciapier aboje siabie dobra adčuvajuć. U maci lečać pneŭmaniju, ale dychańnie ŭ jaje dobraje i ŭzrovień kisłarodu ŭ kryvi ŭ normie. Baćku taksama padoŭžyli balničny, bo ŭ jaho ŭsio jašče pneŭmanija. Niekalki testaŭ nie paćvierdzili ŭ jaho karanavirusu.
Jahonyja baćki adkazna pastavilisia da chvaroby i jašče ad 23 sakavika, kali ŭ baćki padvysiłasia temperatura, jany aboje samaizalavalisia. U palikliniku i medcentar jany jeździli na mašynie, paŭsiul chadzili ŭ maskach.
«Kali da ich na dom prychodziła doktarka, baćki byli ŭ maskach, a jana biez. Supakojvała, kab baćki nie pierajmalisia», — skazaŭ syn.
-
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
-
Ministr zajaviŭ, što biełaruskaja kultura ačyściłasia ad «destruktyŭnych elemientaŭ»
-
Syn nieprymirymaha voraha Kadafi prybyŭ u Biełaruś, kab zaklučyć pahadnieńnie
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»27
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary