Izalacyja «Enierhietyka» i «Biełšyny». Cikavostki čaćviortaha tura čempijanatu Biełarusi pa futbole
Pa vynikach treciaha tura ŭ vyšejšaj lizie vyznačylisia adnaasobnyja lidar i aŭtsajdar. Na dvuch palusach tablicy atabarylisia «Enierhietyk-BDU» i «Biełšyna», chacia prahnazavałasia, što jany buduć niedzie pobač. Ale kali ŭ Babrujska try abaranki ŭ troch matčach, to ŭ «studentaŭ» niespadziavana — try pieramohi!
Razam z Bukmiekierskaj kantoraj Leon my praciahvajem aśviatlać najlepšy futbolny čempijanat u śviecie.
Prapisacca na viaršyni minčukam paśla pieramohi nad «Minskam» dapamahli ziemlaki z «Dynama», a taksama «Słuck», jakija vyjhrali ŭ «Tarpieda-BiełAZ» i «Isłačy» adpaviedna. Pieršuju viktoryju narešcie zdabyła i BATE, ale ŭ kamandy Alšeŭskaha pakul nie vidać pazityŭnych zruchaŭ.
Praciahvajucca prablemy i ŭ inšych topaŭ: «Šachcior» u zvyšpanyłym matčy padzialiŭ bały z «Niomanam», a bieraściejskaje «Dynama» stała čarhovaj achviaraj «Słavii». Tamu pakul tablica vyhladaje vielmi niazvykła, što robić naš čempijanat jašče bolš intryhujučym.
Voś jak skončylisia matčy druhoha tura:
- «Biełšyna» — «Haradzieja» 0:1 (66, Sajčyč)
- «Dynama-Minsk» — «Tarpieda-BiełAZ» 2:0 (21, Klimovič; 43, Bručyč)
- «Šachcior» — «Nioman» 0:0
- BATE — «Ruch» 1:0 (7, Drahun)
- «Dynama-Brest» — «Słavija» 1:2 (86, Tymaniuk (ah) — 64, Čuchlej (p); 77, Katlaroŭ)
- «Enierhietyk-BDU» — «Minsk» 2:0 (21, Nasko; 90+2, Jachšybojeŭ)
- «Smalavičy» — «Viciebsk» 0:1 (25, Kłapocki)
- «Isłač» — «Słuck» 2:3 (48, 58, Makaś — 16, Kaanda; 61, Siamionaŭ; 75, Hafar (p))
Davajcie pahladzim, što nas čakaje ŭ matčach čaćviortaha tura.
«Nioman» — «Biełšyna»
- 10.04, 19:00. Hrodna, CSK «Nioman».
- Kaeficyjenty: «Biełšyna» (pieramoha) — 1.95; ničyja — 3.42; «Haradzieja» (pieramoha) — 4.24.
Haradziency ŭ troch matčach damahlisia troch roznych vynikaŭ, i pakul składana aceńvać sapraŭdnuju moc kamandy. Ale pieramoha nad krepkim «Viciebskam» i ničyja z «Šachcioram» usialajuć pazityŭ.
Čaho nie skažaš pra «Biełšynu». Babrujčanie, navat nie sustrakajučysia z top-kamandami, nie zmahli pazmahacca za turnirnyja bały.
Prahnoz «NN»: «Nioman» pieramoža.
«Słuck» — «Viciebsk»
- 11.04, 14:00. Słuck, stadyjon «Haradski».
- Kaeficyjenty: «Słuck» (pieramoha) — 2.32; ničyja — 3.32; «Viciebsk» (pieramoha) — 3.56.
«Słuck» niečakana staŭ samaj chajpovaj kamandaj u śviecie. Pra kiejs z aŭstralijcami nie napisali tolki lanivyja ŚMI, a praz kraŭdfandynh kłub zmoh sabrać amal try tysiačy dalaraŭ.
Słava dapamahła padnačalenym Vitala Paŭłava vyjhrać u mocnaj «Isłačy». U «vaŭkoŭ» było šmat momantaŭ, ale cudoŭnaja hulnia Barysa Pankratava i suśvietnaja padtrymka prynieśli «Słucku» druhuju pieramohu ŭ troch matčach.
«Viciebsk» cichieńka taksama nabraŭ 6 bałaŭ i nie suprać zamacavacca na viaršyni. Ale matčy ŭ Słucku dla paŭnočnaj kamandy zvyčajna składvajucca vielmi niaprosta.
Prahnoz «NN»: «Słuck» pieramoža.
«Tarpieda-BiełAZ» — «Enierhietyk-BDU»
- 11.04, 16:00. Žodzina, stadyjon «Tarpieda».
- Kaeficyjenty: «Tarpieda» (pieramoha) — 2.23; ničyja — 3.60; «Enierhietyk» (pieramoha) — 3.58.
Pra «studentaŭ» užo nielha skazać, što jany hrajuć u šalony futboł, zabivajučy šmat miačoŭ i prapuskajučy jašče bolš. Za try hulni «Enierhietyk» prapuściŭ usiaho adzin miač, a ŭlubiony «totał, bolšy za 2.5» zajšoŭ usiaho adnojčy.
U žodzincaŭ jość šaniec viarnucca na viaršyniu tablicy. Dla hetaha treba ŭ pieršy raz u siezonie abhulać «Enierhietyk». Letaś heta ŭ «čorna-biełych» nie atrymałasia.
Prahnoz «NN»: «Tarpieda» nie prajhraje.
«Haradzieja» — «Dynama-Minsk»
- 11.04, 18:00. Stadyjon «Haradzieja».
- Kaeficyjenty: «Haradzieja» (pieramoha) — 5.05; ničyja — 3.62; «Dynama» (pieramoha) — 1.79.
Z Haradziei prychodziać nie samyja pryjemnyja naviny. Miascovaja futbolnaja kamanda adčuvaje finansavyja prablemy, jakija ŭžo vylilisia ŭ nierehularnyja vypłaty zarobkaŭ futbalistaŭ. Nadziei kiraŭnikoŭ kłuba byli źviazanyja z novym bosam cukrovaha zavoda, ale Ihar Makar pakul nie śpiašajecca dapamahać kamandzie.
«Dynama» praviało kłasny matč suprać «Tarpieda-BiełAZ» i nie suprać raźvić pośpiech. Ale apošni raz u Haradziei padnačalenyja Hurenki biassłaŭna prajhrali, tamu treba być pilniejšymi.
Prahnoz «NN»: «Dynama» pieramoža.
«Minsk» — BATE
- 12.04, 15:00. Stadyjon FK «Minsk».
- Kaeficyjenty: «Minsk» (pieramoha) — 4.00; ničyja — 3.58; BATE (pieramoha) — 2.08.
Pakul niajasna, jak trenierski štab BATE źbirajecca mianiać hulniu svajoj kamandy. Paśla pieršaj pieramohi ŭ čempijanacie adbyłasia pieršaja paŭfinalnaja hulnia sa «Słavijaj». I znoŭ mazyrčuki pieramahli, a BATE pakazała biazzubuju hulniu.
«Minsk» u kancoŭcy matču z «Enierhietykam» mieŭ šancy na ničyju, ale ŭ kancoŭcy prapuściŭ druhi miač, što pryviało da pieršaj parazy ŭ siezonie. Andrej Razin viedaje, jak pieramahać BATE, i pasprabuje heta zrabić i z abnoŭlenym składam.
Prahnoz «NN»: BATE pieramoža.
«Smalavičy» — «Šachcior»
«Smalavičy» pakul padajucca samaj biessensoŭnaj kamandaj čempijanatu, jakaja hulaje aby-dzie. Heta, viadoma, nie mahło nie adbicca na vynikach — usiaho 1 bał z 9 mahčymych.
U «Šachciora» z vynikami taksama nie ŭsio dobra, ale buksavańnie hałoŭnych kankurentaŭ pakidaje padnačalenym Vierniduba šancy na ahulny pośpiech.
Prahnoz «NN»: «Šachcior» pieramoža.
«Dynama-Brest» — «Isłač»
- 12.04, 19:00. DASK «Brescki».
- Kaeficyjenty: «Dynama» (pieramoha) — 1.80; ničyja — 3.92; «Isłač» (pieramoha) — 5.20.
Nas čakaje rymejk kubkavaha čverćfinału. Chacia matč tady i skončyŭsia nulavoj ničyjoj, ale arbitr Vital Sievaśćianik pakazaŭ ažno čatyry čyrvonyja kartki.
Jość adčuvańnie, što ŭ matčy čempijanatu kamandy nie buduć hulać u zakryty futboł. Bały patrebnyja abiedźvium kamandam.
Prahnoz «NN»: Totał, bolšy za 2.5.
«Słavija» — «Ruch»
- 13.04, 17:30. Mazyr, stadyjon «Junactva».
- Kaeficyjenty: «Słavija» (pieramoha) — 2.26; ničyja — 3.56; «Ruch» (pieramoha) — 3.58.
Alaksandr Siadnioŭ buduje z «Rucha» maładuju simpatyčnuju kamandu. Praź niedachop vopytu bieraściejcam zusim krychu nie chapiła, kab začapić BATE, ale prablemy kankurentaŭ musiać dapamahčy «Ruchu» zamacavacca ŭ vyšejšaj lizie.
Paśla ŭdałaj kubkava-čempijanatnaj sieryi hulcy «Słavii» vidavočna škadujuć ab projhryšy ŭ Słucku, dzie vynik zrabili ich pamyłki.
Prahnoz «NN»: «Słavija» nie prajhraje.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»5
Kamientary