U zasnavalnika adukacyjnaha centra «100 bałaŭ» Jaŭhiena Livianta vyklikaje šał mierkavańnie, što nastaŭniki musiać abaraniać dziaciej ad prymusu, pakul baćki schavalisia «ŭ domiku». Pra heta jon raskazaŭ u intervju prajektu «Tok».

Jaŭhien Liviant. Fota Nadziei Bužan

Jaŭhien Liviant. Fota Nadziei Bužan

— U nas nastaŭniki časta skardziacca na toje, što jany pavinny vadzić dziaciej na chakiej, chadzić pa kvaterach, zajmacca papiarovaj vałakitaj i hetak dalej. Ale čamu nastaŭniki dazvalajuć rabić ź siabie raboŭ?

— Jość niekalki pryčyn. Davajcie ŭjavim siaredniestatystyčnaha nastaŭnika, dakładniej nastaŭnicu. Jak praviła, heta materyjalna nie vielmi zabiaśpiečany čałaviek, u jaho jość svajo dzicia, jakoha treba vučyć, dahladać. Kali jana nie vykanaje patrabavańnie svajho pracadaŭcy, to stracić ci hrošy, ci pracu. Kali nastaŭnik stanovicca revalucyjanieram, jon užo nie nastaŭnik.

Baćki patrabujuć ad nastaŭnika: a davaj ty abaroniš majo dzicia! Hetaja pazicyja vyklikaje ŭ mianie šalenstva. Baćki patrabujuć ad nastaŭnikaŭ, kab jany prajavili revalucyjnuju śviadomaść i samaaddanaść, u tym liku ryzykujučy stracić dachody (a nastaŭnik, jak praviła, ničoha bolš nie ŭmieje rabić), mahčymaść dahladać svajo dzicia. Ad hetych ludziej patrabujuć, kab jany prajavili revalucyjnuju salidarnaść, nie źviartajučy ŭvahi na svajo dzicia, siabie, abaranili čužych dziaciej. Kłas! Dzie łohika?

Pavažanyja baćki, zrabicie tak, kab vaša dzicia nie chadziła na chakiej. Kali baćki skažuć: «Ja zabaraniaju svajmu synu, dačce chadzić na chakiej», — z hetym ničoha nielha zrabić.

«Ja hatovy ŭ adstojvańni pravoŭ svajho dziciaci dajści da kaho zaŭhodna, uklučajučy prezidenta» — vy čuli kali-niebudź pra takoje? Baćki, jakija nie hatovyja abaranić svajo dzicia, patrabujuć hetaha ad starońniaha čałavieka. I časta nastaŭniki — ja viedaju takich, jakija časta tak robiać, — nasupierak usiamu samaaddana abaraniajuć čužych dziaciej. Ja viedaju takich nastaŭnikaŭ, jakich zabirajuć u balnicu, a jany viedajuć, što treba vystavić adznaki za čverć, i ŭ balnicy praviarajuć sšytki.

Va ŭsich padručnikach pa historyi była karcina «Svaboda, jakaja viadzie narod» Dełakrua — napieradzie pryhožaja žančyna, mužna staić, a ŭsie schavalisia, jany «ŭ domiku». Mabyć, ludzi nahladzielisia na jaje i vyrašyli: voś jana, biełaruskaja nastaŭnica, tak jana musić siabie pavodzić, a my zakryjemsia jaje ciełam, jana budzie nas abaraniać. Hetaja pazicyja ŭ mianie vyklikaje šał.

00:43 — jak syšoŭ ź dziaržaŭnaj sistemy adukacyi,
09:30 — pra asnoŭnuju prablemu pryvatnych biełaruskich škoł 1990-ch,
10:41 — što było, kali pastaviŭ pieršuju dvojku ŭ pryvatnaj škole,
11:41 — jak školnik prapanoŭvaŭ hrošy,
13:35 — ci moh by viarnucca ŭ dziaržaŭnuju sistemu, i jakaja była b umova,
15:21 — kolki pavinien zarablać nastaŭnik,
16:07 — dzie ŭziać hrošy na padvyšeńnie zarobkaŭ nastaŭnikaŭ,
21:08 — čamu homielskuju nastaŭnicu, jakaja niecenzurna łajałasia i pahražała partaj vučniu, nielha było zvalniać,
24:59 — što było dazvolena i nie dazvolena vučniam Livianta na jaho ŭrokach,
26:32 — čamu ŭ jeŭrapiejskich i amierykanskich škołach vučni nie spaźniajucca i nie zryvajuć uroki,
30:14 — za što technička nazvała Livianta-školnika vyradkam, i čamu jon joj za heta ŭdziačny,
33:36 — čamu nastaŭniki dazvalajuć rabić ź siabie raboŭ,
38:29 — pra toje, što nastaŭniki falsifikujuć vybary,
41:46 — pra Ihara Karpienku, ministra adukacyi Biełarusi z 2016 hoda,
50:52 — cudoŭnaja historyja, jak staŭ pradprymalnikam hoda,
53:10 — jakija kroki, zroblenyja Karpienkam u adukacyi, razburajuć jaje,
55:33 — pra vyhadu repietytaraŭ ad hramadskaj dumki «biez repietytara nie pastupiš»,
59:35 — ci jość pačućcio viny, što repietytarski centr Livianta zabiraje najlepšych nastaŭnikaŭ sa škoł,
01:01:07 — pra ŭciečku mazhoŭ,
01:03:05 — Post Scriptum: čamu jašče nikoli žančyna nie była ministram adukacyi. 

Клас
0
Панылы сорам
0
Ха-ха
0
Ого
0
Сумна
0
Абуральна
0