Ministerstva zamiežnych spraŭ akazała dapamohu ŭ roznych farmatach viartańnia na radzimu ŭžo bolš jak 6 390 biełarusam, paviedamlaje BiełTA.
U pryvatnaści, 7 krasavika z Polščy viarnulisia na aŭtobusach, arhanizavanych pry sadziejničańni pasolstva Biełarusi ŭ hetaj krainie, 48 čałaviek. Adna hramadzianka Biełarusi vylecieła z Ałžyra pry padtrymcy rasijskaha boku. Pasolstva Biełarusi ŭ Rasii ŭ kantakcie z rasijskimi kalehami ciapier vyrašaje pytańnie pa arhanizacyi jaje tranzitu na radzimu.
Pasolstvami Biełarusi ŭ Sierbii i Vienhryi ŭ ciesnym kantakcie ź miascovymi orhanami ŭłady zabiaśpiečana transparciroŭka i vylet na radzimu rejsam Belavia — Belarusian Airlines 14 našych suajčyńnikaŭ ź Sierbii praz Budapiešt.
«Zachoŭvajecca vastrynia situacyi z dalokimi krainami, u pryvatnaści ź Indyjaj, Vjetnamam, Šry-Łankoj, Tajłandam. Usie zacikaŭlenyja dziaržorhany praciahvajuć rabotu pa pošuku najbolš aptymalnaha miechanizma i šlachoŭ akazańnia sadziejničańnia biełarusam u nazvanych krainach, — adznačyli ŭ MZS. — Taksama idzie ŭzajemadziejańnie z kazachstanskimi kalehami pa vyvučeńni mahčymaściej supracoŭnictva pry evakuacyi hramadzian dźviuch krain z rehijona Paŭdniova-Uschodniaj Azii».
MZS taksama źviarnuła ŭvahu, što ŭ Łatvii padoŭžany režym nadzvyčajnaj situacyi da 12 maja. U Japonii da 6 maja ŭviedziena nadzvyčajnaje stanovišča na terytoryi haradoŭ Tokia i Osaka, a taksama prefiektur Kanahava, Sajtama, Chijoha, Čyba i Fukuoka (biez ustalavańnia ŭ haradach režymu karancinu).
Jak ciapier vyhladaje palitźniavoleny Ihar Łosik FOTA8
Kamientary