U ZŠA ludzi padali bolš za 6 miljonaŭ zajavak na atrymańnie dapamohi pa biespracoŭi. Heta rekordnaja ličba
Za apošnija dva tydni ŭ ZŠA stanovicca ŭsio bolš biespracoŭnych: na minułym tydni zajaŭki na atrymańnie dapamohi padali 3,28 młn čałaviek, na hetym tydni ličba padvoiłasia. Ludzi hublajuć pracu z-za karancinu, uviedzienaha na fonie pandemii karanavirusa, paviedamlaje Reuters.

Ułady ZŠA ličać, što realnaja karcina pa biespracoŭi ŭ krainie moža być našmat horšaj: nie ŭsie, chto straciŭ pracu, źviartajucca pa dapamohu i naohuł jakim-niebudź čynam paviedamlajuć pra stratu pracy dziaržavie, piša vydańnie.
Biespracoŭnyja buduć atrymlivać da $600 štotydzień na praciahu pieršych čatyroch miesiacaŭ z momantu padačy zajavy na atrymańnie dapamohi.
Kamientary